വാട്ട്‌സ് ആപ്പിലെ പരിഹാസ പാട്ട് നാടാകെ പാട്ടായി; രക്ഷിതാക്കള്‍ ആകാംക്ഷയില്‍

ആണ്‍ കുട്ടികളെ പരിഹസിച്ച് പെണ്‍കുട്ടികള്‍ ഇറക്കിയ പാട്ടിന് മറുപടി എന്ന നിലയിലാണ് ആദ്യം പാട്ട് രൂപപ്പെട്ടത്. പിന്നീട് മത്സരിച്ചുള്ള പാട്ട് പടക്കലും മറുപാട്ട് പാടലും കൊടുംബിരി കൊണ്ടിരിക്കുകയാണ്. ഇപ്പോള്‍ വാട്ട്‌സ് ആപ്പ് സൗകര്യമുള്ള മൊബൈല്‍ ഫോണുകളിലെല്ലാം ഈ പാട്ടുകള്‍ പ്രചരിക്കുകയാണ്.

സ്‌കൂള്‍ - കോളജ് ക്യാമ്പസുകളില്‍ ഇപ്പോഴത്തെ പ്രധാന ചര്‍ച്ചയും ഹോബിയും ഇത്തരം പാട്ടുകളാണ്. കാസര്‍കോട്ടെ ഒരു സ്വകാര്യ കോളജാണ് ഈ പാട്ടിന്റെ പ്രഭവ കേന്ദ്രമെന്നാണ് അടക്കം പറച്ചില്‍. സംഭവത്തിന്റെ സൂത്രധാരിയായ പെണ്‍കുട്ടി സ്‌കൂള്‍ അസംബ്ലിയില്‍ കുറ്റം ഏറ്റുപറയുകയും ക്ഷമ ചോദിക്കുകയും ചെയ്തതായും പറയുന്നു. എന്നാല്‍ ഈ പാട്ട് വാട്ട്‌സ് ആപ്പിലൂടെ പ്രചരിപ്പിച്ചത് താനല്ലെന്നാണ് പെണ്‍കുട്ടി പറയുന്നത്. അതേസമയം പെണ്‍കുട്ടിയുടെ പിടിവിട്ടു പോയ പാട്ട് ഇപ്പോള്‍ നാടാകെ പാട്ടാവുകയും ഫോണില്‍ നിന്നും ഫോണിലേക്കും, നാവില്‍ നിന്നും നാവിലേക്കും പടന്ന് കസറുകയാണ്.

വാട്ട്‌സ് ആപ്പും, ഫേസ്ബുക്ക് തുടങ്ങിയ സോഷ്യല്‍ മീഡിയ സൈറ്റുകള്‍ ദുരുപയോഗം ചെയ്യുന്ന സാഹചര്യത്തില്‍ പോലീസും ബന്ധപ്പെട്ട വകുപ്പുകളും ജാഗ്രത പാലിച്ചു വരുന്നതിനിടയിലാണ് വാട്ട്‌സ് ആപ്പ് വഴി പലരെയും അപമാനിക്കുന്ന തരത്തിലുള്ള രൂപത്തില്‍ പാട്ടുകള്‍ പ്രചരിക്കുന്നത്. ഇത് പോലീസിന്റെയും സൈബര്‍ സെല്ലിന്റെയും ശ്രദ്ധയില്‍ പെട്ടതായാണ് വിവരം. ഇത്തരം പാട്ടുകളും മറ്റുള്ളവരെ അപമാനിക്കുന്ന തരത്തിലുള്ള വീഡിയോ ചിത്രങ്ങളും വ്യാജ സന്ദേശങ്ങളം പ്രചരിപ്പിക്കുന്നവര്‍ക്കെതിരെ കര്‍ശന നടപടിസ്വീകരിക്കുമെന്ന് പോലീസ് നേരത്തെ വ്യക്തമാക്കിയിരുന്നു.
Keywords: Kasaragod, School, College, Song, Whats app, Facebook, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News Malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.