'സമുദായത്തിന്റെ നിലനില്‍പ്പ് സമസ്തയിലൂടെ'

ബദിയഡുക്ക: (www.kasargodvartha.com 23.05.2017) പ്രയാസവും പ്രതിസന്ധിയും നിലനില്‍ക്കുന്ന ആധുനിക യുഗത്തില്‍ സമുദായത്തിന്റെ നിലനില്‍പ്പ് സമസ്തയിലൂടെയാണെന്നും ഇന്ന് സമുദായം കാതോര്‍ക്കുന്നത് സമസ്തയുടെ ശബ്ദത്തിനാണെന്നും സമസ്ത ദക്ഷിണ കന്നഡ ജില്ല പ്രസിഡണ്ട് സയ്യിദ് സൈനുല്‍ ആബിദീന്‍ തങ്ങള്‍ അല്‍ ബുഖാരി പറഞ്ഞു. എസ് കെ എസ് എസ് എഫ് ബദിയടുക്ക മേഖലാ കമ്മറ്റി സംഘടിപ്പിച്ച വിഷന്‍ 18 പ്രഖ്യാപനവും സമസ്ത ആശയ വിശദീകരണ സമ്മേളനവും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

മേഖലാ പ്രസിഡണ്ട് ആദം ദാരിമി നാരംമ്പാടി അധ്യക്ഷത വഹിച്ചു. ജനറല്‍ സെക്രട്ടറി ഖലീല്‍ ദാരിമി ബെളിഞ്ചം സ്വാഗതം പറഞ്ഞു. സമസ്ത വിദ്യാഭ്യാസ ബോര്‍ഡ് സെക്രട്ടറി ഖാസി എം എ ഖാസിം മുസ്ലിയാര്‍ വിഷന്‍ 18 പ്രഖ്യാപനം നിര്‍വ്വഹിച്ചു. വിഷന്‍ 18 കോഡിനേറ്റര്‍ റഷീദ് ബെളിഞ്ചം കര്‍മ്മ പദ്ധതി വിശദീകരിച്ചു. അഡ്വ: ഹനീഫ് ഹുദവി ദേലംമ്പാടി മുഖ്യ പ്രഭാഷണം നടത്തി.