കരിങ്കല്‍ ക്വാറിയുടെ ഷെഡ് മൂന്നാംതവണയും തീവെച്ച് നശിപ്പിച്ച നിലയില്‍

By Webdesk ViApr 9, 2017, 10:30 IST

പെരിയ: (www.kasargodvartha.com 09/04/2017) കരിങ്കല്‍ ക്വാറിയുടെ ഷെഡ് മൂന്നാം തവണയും തീവെച്ച് നശിപ്പിച്ച നിലയില്‍ കണ്ടെത്തി. പുല്ലൂര്‍പെരിയ പഞ്ചായത്തിലെ നാര്‍ക്കുളത്താണ് ഷെഡിന് അജ്ഞാതസംഘം തീവെച്ചത്. നേരത്തെ രണ്ടുതവണ ഇതേ ഷെഡ് തീവെച്ച് നശിപ്പിച്ചിരുന്നു.

ശനിയാഴ്ച രാത്രിയാണ് ഷെഡിന് വീണ്ടും തീവെച്ചത്. അതേ സമയം തീവെപ്പ് സംബന്ധിച്ച് പോലീസില്‍ ആരും പരാതി നല്‍കാത്തത് നാട്ടില്‍ ചര്‍ച്ചാവിഷയമായിട്ടുണ്ട്. ലൈസന്‍സില്ലാതെയാണ് ക്വാറിയുടെ പ്രവര്‍ത്തനമെന്നും അതുകൊണ്ടാണ് പരാതി നല്‍കാന്‍ മടിക്കുന്നതെന്നും സംസാരമുണ്ട്.