മോദിയെ ഭയപ്പെടുന്നവര്‍ എസ്.ഡി.പി.ഐക്കാണ് വോട്ട് ചെയ്യേണ്ടത്: ഇ. അബൂബക്കര്‍

പഴയങ്ങാടി: (www.kasargodvartha.com 03.04.2014) മോദിയെ ക്രിയാത്മകമായി പ്രതിരോധിക്കാന്‍ കെല്‍പ്പുള്ള നവസമൂഹ പ്രസ്ഥാനമാണ് എസ്.ഡി.പി.ഐ എന്നും മോദിയെ അകറ്റണമെന്ന് ആഗ്രഹിക്കുന്നവര്‍ എസ്.ഡി.പി.ഐക്കാണ് വോട്ട് ചെയ്യേണ്ടതെന്നും എസ്.ഡി.പി.ഐ കേന്ദ്ര കമ്മിറ്റിയംഗം ഇ. അബൂബക്കര്‍ പറഞ്ഞു.

ഇടത്-വലത് മുന്നണികള്‍ ലോക്‌സഭാ തിരഞ്ഞെടുപ്പില്‍ അടക്കം ഒത്തുകളിയാണ് നടത്തുന്നതെന്നും അദ്ദേഹം പറഞ്ഞു. എസ്.ഡി.പി.ഐ കാസര്‍കോട് പാര്‍ലമെന്റ് മണ്ഡലം സ്ഥാനാര്‍ഥി എന്‍.യു. അബ്ദുല്‍ സലാമിന്റെ തിരഞ്ഞെടുപ്പ് പ്രചാരണാര്‍ത്ഥം പഴയങ്ങാടിയില്‍ സംഘടിപ്പിച്ച പൊതുയോഗത്തില്‍ സംസാരിക്കുകയായിരുന്നു അദ്ദേഹം. സി.ടി. സുലൈമാന്‍ മാസ്റ്റര്‍, മഹമൂദ് മാട്ടൂല്‍ സംസാരിച്ചു.