Police | തീരദേശ മേഖലയിൽ പൊലീസ് നിരീക്ഷണം കൂടുതൽ ശക്തമാക്കും; ലഹരിമാഫിയക്കെതിരെയും കർശന നടപടികൾ

കാഞ്ഞങ്ങാട്: (www.kasargodvartha.com) ഹോസ്ദുർഗ് പൊലീസ് സ്റ്റേഷൻ പരിധിയിലെ തീരദേശ മേഖലയിൽ പൊലീസ് നിരീക്ഷണം കൂടുതൽ ശക്തമാക്കും. കൂടാതെ ലഹരിമാഫിയക്കെതിരെ ശക്തമായ നടപടികൾ സ്വീകരിക്കാനും ഹോസ്ദുർഗ് പൊലീസ് സ്റ്റേഷനിൽ വിളിച്ചു ചേർത്ത കടലോര ജാഗ്രതാ സമിതി യോഗത്തിൽ തീരുമാനിച്ചു.

വരും ദിവസങ്ങളിൽ തീരദേശ മേഖലയിൽ നടക്കാനിരിക്കുന്ന ഉത്സവാഘോഷ പരിപാടികളുടെ പശ്ചാത്തലത്തിലാണ് പ്രത്യേക യോഗം ചേർന്നത്. ലഹരി വിരുദ്ധ ബോധവൽക്കരണ കാംപുകൾ ഉൾപെടെയുള്ള പരിപാടികൾ സംഘടിപ്പിക്കുന്നതിന് തീരുമാനിച്ചിട്ടുണ്ട്. യോഗത്തിൽ ഇൻസ്‌പെക്ടർ കെപി ഷൈൻ അധ്യക്ഷത വഹിച്ചു.