നിരവധി ക്രിമിനല്‍ കേസില്‍ പ്രതിയായ യുവാവിനെതിരെ നല്ല നടപ്പിന് റിപോര്‍ട്ട്

കാഞ്ഞങ്ങാട്: (www.kasargodvartha.com 08/01/2016) നിരവധി ക്രിമിനല്‍ കേസുകളില്‍ പ്രതിയായ യുവാവിനെതിരെ നല്ലനടപ്പ് ജാമ്യത്തിന് പോലീസ് കോടതിയില്‍ റിപോര്‍ട്ട് നല്‍കി. പടന്നക്കാട് കരുവളത്തെ സുധീഷിനെ(27)തിരെയാണ് ഹൊസ്ദുര്‍ഗ് പോലീസ് കേസെടുത്ത് നല്ല നടപ്പിന് ശിക്ഷിക്കാന്‍ ആര്‍ ഡി ഒ കോടതിയില്‍ റിപോര്‍ട്ട് നല്‍കിയത്.

സുധീഷിനെതിരെ  ഹൊസ്ദുര്‍ഗ്, നീലേശ്വരം പോലീസ് സ്‌റ്റേഷനുകളില്‍ ഏഴോളം കേസുകള്‍ നിലവിലുള്ളതായി പോലീസ് പറഞ്ഞു.  സുധീഷ് നാടിന്റെ ക്രമസമാധാനത്തിന് കടുത്ത ഭീഷണിയാണെന്നും ഇനിയും കുറ്റകൃത്യങ്ങളിലേര്‍പെടാനുള്ള സാധ്യതയുണ്ടെന്നും ഈ സാഹചര്യത്തില്‍ നടപടി വേണമെന്നും റിപോര്‍ട്ടില്‍ വ്യക്തമാക്കി.

Keywords: Kanhangad, Kasaragod, Kerala, Police report against youth