Obituary | തിരഞ്ഞെടുപ്പ് ജോലിക്ക് ലുധിയാനയിൽ പോയി മടങ്ങുന്നതിനിടെ പൊലീസ് ഉദ്യോഗസ്ഥൻ ട്രെയിനിൽ കുഴഞ്ഞുവീണ് മരിച്ചു
Updated: Jun 4, 2024, 15:07 IST
യാത്രയിൽ വേണ്ട സൗകര്യങ്ങൾ ഡ്യൂട്ടിക്ക് പോയവർക്ക് ലഭിച്ചില്ലെന്ന പരാതി ഉയർന്നിട്ടുണ്ട്.
കണ്ണൂർ: (KasaragodVartha) തിരഞ്ഞെടുപ്പ് ജോലിക്ക് പോയ കേരള പൊലീസ് കണ്ണൂർ ക്യാമ്പിലെ ക്യാമ്പ് ഫോളോവർ ട്രെയിനിൽ കുഴഞ്ഞു വീണ് മരിച്ചു. കണ്ണൂർ കണ്ണവം സ്വദേശി എ രവി (54) ആണ് മരിച്ചത്. പഞ്ചാബിലെ ലുധിയാനയിലാണ് സംഭവം. കേരളത്തിലേക്കുള്ള മടക്കയാത്രയിലായിരുന്നു.
കനത്ത ചൂടിൽ പൊലീസുകാരന് അസ്വസ്ഥത അനുഭവപ്പെടുകയായിരുന്നു. തുടർന്ന് ട്രെയിനിൽ കുഴഞ്ഞു വീണു. മൃതദേഹം പഞ്ചാബിലെ ആശുപത്രിയിൽ സൂക്ഷിച്ചിരിക്കുകയാണ്. അതേസമയം, യാത്രയിൽ വേണ്ട സൗകര്യങ്ങൾ ഡ്യൂട്ടിക്ക് പോയവർക്ക് ലഭിച്ചില്ലെന്ന പരാതി ഉയർന്നിട്ടുണ്ട്.
Tags
Share this story
