കമ്പ്യൂട്ടര് വിദ്യാര്ത്ഥിനികളെ പീഢിപ്പിച്ച മൂന്നു പേര്ക്കെതിരെ കേസെടുത്തു
Aug 24, 2012, 15:45 IST
അണങ്കൂര് സ്വദേശിനിയായ പെണ്കുട്ടിയുടെ പരാതിയില് വിദ്യാനഗര് ചാലയിലെ കാമില്, സന്തോഷ് നഗറിലെ ബഷീര്, ചാലയിലെ റഫീഖ് എന്നിവര്ക്കെതിരെയാണ് പോലീസ് കേസെടുത്തത്. ഏഴ് മാസം മുമ്പ് കമ്പ്യൂട്ടര് സ്ഥാപനത്തിന്റെ മുന്നില് നിന്നും ഐസ്ക്രീം കഴിക്കാനെന്ന വ്യാജ്യേന പെണ്കുട്ടികളെ കാറില് തട്ടികൊണ്ടു പോവുകയും സുള്ള്യയില് വെച്ച് പീഡിപ്പിക്കുകയും ചെയ്തുവെന്നാണ് പരാതി.
ഇവരുടെ നഗ്ന ചിത്രങ്ങള് മൊബൈല് ഫോണില് പകര്ത്തുകയും ചെയ്തിരുന്നു. ഇത് കാട്ടി പിന്നീട് പലതവണ പെണ്കുട്ടികളെ പീഡിപ്പിച്ചതായാണ് പോലീസില് നല്കിയ പരാതിയില് പറയുന്നത്. അഞ്ച് തവണ സുള്ള്യയില് കൊണ്ടുപോയും, ഏതാനും തവണ ബദിയടുക്കയില് കൊണ്ടുപോയുമാണ് പീഡിപ്പിച്ചത്. ആളോഴിഞ്ഞ സ്ഥലത്ത് കാര് നിര്ത്തി കാറില് വെച്ചാണ് പലപ്പോഴായും പീഢനത്തിന് വിധേയരാക്കിയത്. പിന്നീട് ഇവരുടെ സഹൃത്തുക്കളായ മറ്റ് മൂന്നു പേര്ക്ക് കൂടി തങ്ങളെ കാഴ്ച വെച്ചതായി പെണ്കുട്ടികള് വെളിപ്പെടുത്തി.
ഇവരുടെ പേരുവിവരങ്ങള് പെണ്കുട്ടികള്ക്കറിയില്ല. ഇപ്പോള് കേസെടുത്തിട്ടുള്ളവരെ പിടികൂടിയാല് മാത്രമെ മറ്റുള്ളവരെ കുറിച്ചുള്ള വിവരം ലഭിക്കുകയുള്ളൂ. ഇക്കഴിഞ്ഞ പെരുന്നാള് ദിവസവും പെണ്കുട്ടികളെ ഇന്നോവ കാറില് കയറ്റി ബദിയടുക്കയില് കൊണ്ടുപോയി പീഡീപ്പിക്കാനായിരുന്നു ഉദ്ദേശം. പെണ്കുട്ടികളെ കാറില് കയറ്റി കൊണ്ടുപോകുന്നത് കണ്ട നാട്ടുകാര് കാര് അണങ്കൂര് വാട്ടര് അതോററ്റി ഓഫീസിന് മുന്നില് വെച്ച് തടയുകയും കാറിലുണ്ടായിരുന്ന റഫീഖിനെ പിടികൂടാന് ശ്രമിച്ചെങ്കിലും റഫീഖ് ഓടി രക്ഷപ്പെടുകയായിരുന്നു.
റഫീഖ് പിന്നീട് കാര് തടഞ്ഞ നാട്ടുകാരായ ഏഴു യുവാക്കള്കെതിരെ കാസര്കോട് ടൗണ് പോലീസില് പരാതി നല്കിയിരുന്നു. പോലീസ് ഏഴു പേര്ക്കെതിരെ കേസെടുക്കുകയും ചെയ്തിരുന്നു. തന്നെ ഏഴംഗ സംഘം കാര് തടഞ്ഞ് മര്ദ്ദിക്കുകയും 18,300 രൂപയും മൊബൈല് ഫോണും, ക്യാമറയും എ.ടി.എം കാര്ഡും മറ്റും പിടിച്ചുപറിക്കുകയും ചെയ്തുവെന്നാണ് പരാതി.
റഫീഖിന്റെ ഈ പരാതി വ്യാജമാണെന്ന് പുറത്തുവന്നിട്ടുണ്ട്. റഫീഖിനെ മര്ദ്ദിച്ചതായി പറയുന്ന സംഭവത്തില് പോലീസ് സാക്ഷികളാക്കി ഉള്പ്പെടുത്തിയത് ഇപ്പോള് പീഡനം സംബന്ധിച്ച് പരാതി നല്കിയ പെണ്കുട്ടികളെയാണ്. നിരപരാധികളായ നാട്ടുകാര്ക്കെതിരെ കേസെടുത്തതോടെ പെണ്കുട്ടികളും പിന്നീട് ബന്ധുക്കളും പീഢനം സംബന്ധിച്ച വിവരം പുറത്തുവിടുകയായിരുന്നു. പീഢനത്തിനിരയായ പെണ്കുട്ടികള് കണ്ണൂര് ഡി.ഐ.ജിയെ നേരില് കണ്ട് പരാതി നല്കിയിരുന്നു. ഡി.ഐ.ജിയുടെ നിര്ദ്ദേശ പ്രകാരം കാസര്കോട് സി.ഐ., ബാബു പെരിങ്ങേത്ത് പെണ്കുട്ടികളുടെ മൊഴി രേഖപ്പെടുത്തുകയും മൂന്നു യുവാക്കള്ക്കെതിരെ പീഡനം സംബന്ധിച്ച് കേസെടുക്കുകയുമായിരുന്നു.
തുടക്കത്തില് പെണ്കുട്ടികളുടെ പരാതിയില് കേസെടുക്കാന് കാസര്കോട് ടൗണ് പോലീസ് തയ്യാറായിരുന്നില്ല. റഫീഖിനെ മര്ദിച്ച സംഭവത്തില് സാക്ഷികളായ പെണ്കുട്ടികള് പീഢനവിവരം പറഞ്ഞില്ലെന്ന് ന്യായവാദം ഉയര്ത്തിയാണ് പോലീസ് കേസെടുക്കാതെ ഒഴിഞ്ഞുമാറിയത്. പിന്നീടാണ് പീഢനത്തിനിരയായ പെണ്കുട്ടികള് ഡി.ഐ.ജിയെ സമീപിച്ചത്. 19 ഉം 17 ഉം വയസുള്ള ബന്ധുക്കളായ പെണ്കുട്ടികളാണ് കഴിഞ്ഞ ഒരു വര്ഷത്തോളമായി പലയിടങ്ങളില് വെച്ച് പീഢിപ്പിക്കപ്പെട്ടത്. പോലീസ് ഇപ്പോള് കേസെടുത്തതോടെ മൂന്നു യുവാക്കളും മുങ്ങിയിരിക്കുകയാണ്. റഫീഖിന്റെ ഇന്നോവ കാര് നേരത്തെ തന്നെ പോലീസ് കസ്റ്റഡിയിലെടുത്തിരുന്നു.
Keywords: Kasaragod, Police, Anangoor, Rape, Students, Car, Kerala, Molestation
Related News:
ആറംഗസംഘം വിദ്യാര്ത്ഥിനികളെ ഒരു വര്ഷക്കാലത്തോളം പീഡിപ്പിച്ചതായി പരാതി
Related News:
