Pinarayi Vijayan | 'കേരളത്തെ കുറിച്ച്‌ നിങ്ങള്‍ക്ക് എന്താണ് പറയാനുള്ളത്?; പുത്തൂരിൽ അമിത് ഷാ അർഥഗർഭമായി പറഞ്ഞതിന് മറുപടിയുമായി മുഖ്യമന്ത്രി; അലയൊലി അടങ്ങില്ല

കാസർകോട്: (www.kasargodvartha.com) കർണാടക പുത്തൂരിൽ കാംപ്കോ സുവർണ ജൂബിലി ആഘോഷ പരിപാടിയുടെ ഉദ്ഘാടന പരിപാടിയിൽ സംസാരിക്കവെ കേന്ദ്ര ആഭ്യന്തരമന്ത്രി അമിത് ഷാ അർഥഗർഭമായി കേരളത്തെ കുറിച്ച് പറഞ്ഞതിന് രൂക്ഷവിമര്‍ശനവുമായി മുഖ്യമന്ത്രി പിണറായി വിജയന്‍ രംഗത്ത് വന്നു. കേരളത്തെ കുറിച്ച്‌ എന്താണ് പറയാനുള്ളത് എന്ന് ചോദിച്ച മുഖ്യമന്ത്രി മതനിരപേക്ഷ മനോഭാവത്തോടെ ജനങ്ങള്‍ ജീവിക്കുന്ന നാടാണ് കേരളമെന്ന് അമിത് ഷായെ ഓർമപ്പെടുത്തുകയും ചെയ്തു.

എന്താണ് കേരളത്തെ കുറിച്ച്‌ അമിത് ഷാ അര്‍ധോക്തിയില്‍ പറഞ്ഞ് നിര്‍ത്തിയത് എന്നായിരുന്നു മുഖ്യമന്ത്രിയുടെ ചോദ്യം. രാജ്യത്ത് പോപുലർ ഫ്രണ്ട് പോലുള്ള തീവ്രവാവാദികളെയും മാവോയിസ്റ്റുകളെയും അടിച്ചമർത്തിയെന്ന് പറഞ്ഞ ശേഷമാണ് അമിത് ഷാ കേരളം അടുത്തുണ്ടെന്നും അത് കൊണ്ട് താൻ കൂടുതൽ ഒന്നും പറയുന്നില്ലെന്നും ഗൂഢോദ്ദേശ്യത്തോടെ പറഞ്ഞ് നിർത്തിയത്. കേരളം സുരക്ഷിതമല്ലെന്ന രീതിയിലാണ് അമിത് ഷായുടെ പരാമര്‍ശം.ഇതിനാണ് മുഖ്യമന്ത്രിയുടെ പ്രതികരണം ഉണ്ടായിരിക്കുന്നത്. < !- START disable copy paste -->