ഗവണ്‍മെന്റ് കോളജില്‍ വിദ്യാര്‍ത്ഥി സംഘട്ടനം: 5 എ.ബി.വി.പി. പ്രവര്‍ത്തകര്‍ ആശുപത്രിയില്‍

കാസര്‍കോട്: ഗവണ്‍മെന്റ് കോളജില്‍ ചൊവ്വാഴ്ചയും ബുധനാഴ്ചയുമായുണ്ടായ വിദ്യാര്‍ത്ഥി സംഘട്ടനത്തില്‍ പരിക്കേറ്റ് അഞ്ച് എ.ബി.വി.പി. പ്രവര്‍ത്തകരെ കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു. എം.എസ്.എഫ്. പ്രവര്‍ത്തകരാണ് മര്‍ദിച്ചതെന്ന് ഇവര്‍ പരാതിപ്പെട്ടു.

രണ്ടാംവര്‍ഷ ചരിത്ര ബിരുദ വിദ്യാര്‍ത്ഥി പ്രതീഷ് (19), മൂന്നാം വര്‍ഷ ചരിത്ര വിദ്യാര്‍ത്ഥി ചെമ്മനാട്ടെ പ്രജിത്ത് (22), രണ്ടാം വര്‍ഷ ഇക്കണോമിക്‌സ് വിദ്യാര്‍ത്ഥി കുഡ്‌ലുവിലെ ശ്രീനാഥ് (19), മൂന്നാം വര്‍ഷ കന്നഡ ബി.എ. വിദ്യാര്‍ത്ഥി മുള്ളേരിയയിലെ പ്രകാശ് (21), രണ്ടാംവര്‍ഷ ഫിസിക്‌സ് ബിരുദ വിദ്യാര്‍ത്ഥി പരവനടുക്കത്തെ ശ്രീനി (19) എന്നിവര്‍ക്കാണ് മര്‍ദനമേറ്റത്.

പരിക്കേറ്റ് ആശുപത്രിയില്‍കഴിയുന്ന എ.ബി.വി.പി. പ്രവര്‍ത്തകര്‍

ഗുരുവായൂരില്‍ കഴിഞ്ഞദിവസമുണ്ടായ അക്രമത്തില്‍ പ്രതിഷേധിച്ച് ചൊവ്വാഴ്ച കോളജില്‍ എ.ബി.വി.പി. പ്രവര്‍ത്തകര്‍ പ്രതിഷേധ പ്രകടനം നടത്തിയിരുന്നു. അതിനിടെയാണ് പ്രതീഷിന് മര്‍ദനമേറ്റത്. ആ സംഭവത്തില്‍ പ്രതിഷേധിച്ച് ബുധനാഴ്ച രാവിലെ പ്രകടനം നടത്തുന്നതിനിടെ എം.എസ്.എഫ്. പ്രവര്‍ത്തകരായ നാലുപേര്‍ തങ്ങളെ ആക്രമിക്കുകയായിരുന്നുവെന്ന് പരിക്കേറ്റ മറ്റു വിദ്യാര്‍ത്ഥികള്‍ പറഞ്ഞു. സംഘര്‍ഷത്തെ തുടര്‍ന്ന് കോളജിന് ബുധനാഴ്ച അവധി നല്‍കിയിരിക്കുകയാണ്.

Keywords:  Clash, Kasaragod, Govt. College, Injured, Attack, Hospital, Kerala, MSF, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam kathakal, Live malayalam news, News Kerala, Malayalam gulf news.