Found Dead | മലയിന്കീഴ് മുന് സിഐ മരത്തില് തൂങ്ങി മരിച്ച നിലയില്; മരണം വനിതാ ഡോക്ടറെ പീഡിപ്പിച്ച കേസില് ക്രൈംബ്രാഞ്ച് അറസ്റ്റ് ചെയ്യാനിരിക്കെ
Apr 17, 2024, 10:36 IST
*വനിതാ ഡോക്ടറുടെ പരാതിയിലാണ് പൊലീസ് കേസെടുത്തത്.
*വിവാഹവാഗ്ദാനം നല്കി പലതവണ ലൈംഗികമായി ചൂഷണം
*ചുമതലയില് നിന്നു മാറി നില്ക്കാന് ഉന്നത ഉദ്യോഗസ്ഥര് നിര്ദേശിച്ചിരുന്നു.
കൊച്ചി: (KasargodVartha) മലയിന്കീഴ് മുന് സിഐ എ വി സൈജുവിനെ അംബേദ്കര് സ്റ്റേഡിയം പരിസരത്തെ മരത്തില് തൂങ്ങി മരിച്ച നിലയില് കണ്ടെത്തി. തിരുവനന്തപുരം നെടുമങ്ങാട് സ്വദേശിയാണ് സൈജു. വനിതാ ഡോക്ടറെ പീഡിപ്പിച്ചെന്ന കേസില് പ്രതിയായ സൈജുവിനെ ക്രൈംബ്രാഞ്ച് അറസ്റ്റ് ചെയ്യാനിരിക്കെയാണ് മരണം. വ്യാജരേഖ സമര്പിച്ച് ജാമ്യം നേടിയത് ഹൈകോടതി റദ്ദാക്കിയിരുന്നു.
മലയിന്കീഴ് പൊലീസ് സ്റ്റേഷന് എസ്എച്ഒ ആയിരുന്ന സൈജുവിനെതിരെ ലൈംഗികമായി പീഡിപ്പിച്ചെന്ന വനിതാ ഡോക്ടറുടെ പരാതിയിലാണ് പൊലീസ് കേസെടുത്തത്. വിവാഹവാഗ്ദാനം നല്കി സൈജു പലതവണ ലൈംഗികമായി ചൂഷണം ചെയ്തെന്നും വധഭീഷണി മുഴക്കിയെന്നുമായിരുന്നു പരാതി. തുടര്ന്ന് സൈജുവിനോട് ചുമതലയില് നിന്നു മാറി നില്ക്കാന് ഉന്നത ഉദ്യോഗസ്ഥര് നിര്ദേശിച്ചിരുന്നു.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല)
