Landslide | ഉരുള്പൊട്ടല്: മന്ത്രി വീണാ ജോര്ജ് ആരോഗ്യ വകുപ്പ് ഡയറേക്ടറേറ്റിലെത്തി ക്രമീകരണങ്ങള് വിലയിരുത്തി
ആശുപത്രികളിലെ മോര്ച്ചറി സംവിധാനം വിലയിരുത്താനും മൊബൈല് മോര്ച്ചറികളുടെ സേവനം കൂടി ഉപയോഗപ്പെടുത്താനും മന്ത്രി നിര്ദേശം നല്കി.
മലയോര മേഖലയില് ഉള്പ്പെടെ എത്തിച്ചേരാന് കഴിയുന്ന കനിവ് 108 ആംബുലന്സിന്റെ റാപ്പിഡ് ആക്ഷന് മെഡിക്കല് യൂണിറ്റുകള് മറ്റ് സംസ്ഥാനങ്ങളില് നിന്നും സ്ഥലത്തേക്ക് എത്തിക്കാന് കഴിയുമോ എന്ന് പരിശോധിക്കാനും നിര്ദേശം
വയനാട്: (KasargodVartha) ജില്ലയിലെ ഉരുള്പ്പൊട്ടലിന്റെ (Landslide) സാഹചര്യത്തില് ആരോഗ്യ വകുപ്പ് (Health Dept) മന്ത്രി വീണാ ജോര്ജ് ( Minister Veena George) ആരോഗ്യ വകുപ്പ് ഡയറക്ടറേറ്റിലെത്തി വകുപ്പ് തല ക്രമീകരണങ്ങള് വിലയിരുത്തി. പൊതുവിലെ സാഹചര്യം മന്ത്രി വിശദീകരിച്ചു. ഈ മേഖലയിലെ ആശുപത്രികളിലെ (Hospital) ഒഴിവുള്ള കിടക്കകളുടെ കണക്കുകള് കൃത്യമായെടുക്കണമെന്നും ആവശ്യമെങ്കില് താത്ക്കാലികമായി ആശുപത്രികള് സജ്ജമാക്കാനുള്ള നിര്ദേശവും നല്കി. ആശുപത്രികളിലെ മോര്ച്ചറി (Mortuary) സംവിധാനം വിലയിരുത്താനും മൊബൈല് മോര്ച്ചറികളുടെ സേവനം കൂടി ഉപയോഗപ്പെടുത്താനും മന്ത്രി നിര്ദേശം നല്കി.
കണ്ട്രോള് റൂമിന്റെ പ്രവര്ത്തനങ്ങള് വിലയിരുത്തി. 24 മണിക്കൂറും കണ്ട്രോള് റൂം പ്രവര്ത്തിക്കണം. ആരോഗ്യ പ്രവര്ത്തകര്ക്കും പൊതുജനങ്ങള്ക്കും സഹായമായി കണ്ട്രോള് റൂം പ്രവര്ത്തിക്കണമെന്നും മന്ത്രി നിര്ദേശിച്ചു. മലയോര മേഖലയില് ഉള്പ്പെടെ എത്തിച്ചേരാന് കഴിയുന്ന കനിവ് 108 ആംബുലന്സിന്റെ റാപ്പിഡ് ആക്ഷന് മെഡിക്കല് യൂണിറ്റുകള് മറ്റ് സംസ്ഥാനങ്ങളില് നിന്നും സ്ഥലത്തേക്ക് എത്തിക്കാന് കഴിയുമോ എന്ന് പരിശോധിക്കാനും നിര്ദേശം നല്കി.
റിലീഫ് ക്യാമ്പുകളുടെ പ്രവര്ത്തനങ്ങള് വിലയിരുത്തണമെന്നും ക്യാമ്പുകളില് ആരോഗ്യ പ്രവര്ത്തകരുടെ സേവനം ഉറപ്പാക്കണമെന്നും ഈ സാഹചര്യത്തില് പകര്ച്ചവ്യാധി പ്രതിരോധം വളരെ പ്രധാനമാണെന്നും മന്ത്രി പറഞ്ഞു.
ആരോഗ്യ വകുപ്പിലെ ഉന്നത ഉദ്യോഗസ്ഥര് യോഗത്തില് പങ്കെടുത്തു.
