വഴിതര്‍ക്കം: സഹോദരങ്ങള്‍ അമ്മാവനെ വെട്ടിപ്പരിക്കേല്‍പിച്ചു

കരിവേടകം:  (www.kasargodvartha.com 12.04.2014)  വഴിതര്‍ക്കത്തെ തുടര്‍ന്ന് സഹോദരങ്ങള്‍ അമ്മാവനെ വെട്ടിപ്പരിക്കേല്‍പിച്ചു. കരിവേടകം പള്ളക്കാട്ടെ ചന്ദ്രനെ(48)യാണ് മരുമക്കളായ സഹോദരങ്ങള്‍ ചേര്‍ന്ന് കത്തികൊണ്ട് വെട്ടിയത്.

വീട്ടിലേക്ക് നടന്നുപോവാനുള്ള വഴി നേരത്തെ നല്‍കിയിട്ടുണ്ടെങ്കിലും വാഹനത്തിന് പോവാനുള്ള വഴി വേണമെന്നായിരുന്നു സഹോദരങ്ങളുടെ ആവശ്യം. എന്നാല്‍ ഇതിന് വഴങ്ങാതിരുന്ന അമ്മാവനെ സഹോദരങ്ങള്‍ രാത്രി ഏഴുമണിയോടെ വീട്ടില്‍ വന്ന് നെഞ്ചത്തേക്ക് കത്തികൊണ്ട് കുത്തുകയായിരുന്നു. ചന്ദ്രന്റെ പരാതിയില്‍ സതീഷന്‍, കൃഷ്ണന്‍ എന്നിവര്‍ക്കെതിരെ ടൗണ്‍ പോലീസ് കേസെടുത്തു.