പുഴയില്‍ ചാടിയ കമിതാക്കളെ തിരയുന്നു

ചെറുവത്തൂര്‍: കാര്യങ്കോട് പുഴയില്‍ ചാടി ജീവനൊടുക്കാന്‍ ശ്രമിച്ച കമിതാക്കളെ കണ്ടെത്താനായില്ല. വ്യാഴാഴ്ച പുലര്‍ച്ചെ നാല് മണിക്ക് റെയില്‍പാലത്തില്‍ നിന്നാണ് കമിതാക്കള്‍ പുഴയിലേക്ക് ചാടിയത്. ചെറുപുഴ പാടിയോട്ടുചാല്‍ ഗോപിയുടെ മകന്‍ മനു(30), കാമുകി പരപ്പ കനകപ്പള്ളി സ്വദേശിനി ഡാനിയ(22)യുമാണ് പുഴയില്‍ കാണാതായത്. ഇവര്‍ക്ക് വേണ്ടി പോലീസും ഫയര്‍ഫോഴ്‌സും നാട്ടുകാരും ചേര്‍ന്ന് തിരച്ചില്‍ ഊര്‍ജ്ജിതമാക്കി.

മരംലോഡിംഗ് തൊഴിലാളിയായ മനു വിവാഹിതനാണ്. ചീമേനി ചെമ്പ്രകാനത്തെ രമ്യയാണ് ഭാര്യ. ഇവര്‍ക്ക് നാലുവയസ്സുള്ള ഇരട്ടക്കുട്ടികളുണ്ട്. ഡാനിയ കോഴിക്കോട്ടെ കോണ്‍വെന്റില്‍ ജീവനക്കാരിയാണ്. ബുധനാഴ്ചയാണ് യുവതി കോഴിക്കോട്ടേക്കെന്ന് പറഞ്ഞ് വീട്ടില്‍ നിന്നിറങ്ങിയത്.