Arts fest | അച്ഛന്റെ കാമറയുമായി ചിത്രങ്ങൾ പകർത്താൻ കലോത്സവ നഗരിയിൽ കൊച്ചു ഫോടോഗ്രാഫർ; താരമായി 7 വയസുകാരൻ സായൂജ്

നഗരിയിൽ എത്തിയ ഉടനെ ക്ലാസിലെ കൂട്ടുകാരുടെയും അധ്യാപകരുടെയും മത്സരിക്കുന്നവരുടെയും ചിത്രം പകർത്തി. കലോത്സവത്തിന് എത്തുന്നവരുടെ ഫോടോ എടുക്കും. വേദിയിലെ മത്സരവും പകർത്തും. പടം എടുക്കാൻ കുട്ടി ഫോടോഗ്രാഫറുടെ ഒപ്പം കൂടുകയാണ് ആരാധകർ. അച്ഛാച്ഛൻ നാരായണന്റെ
കൈപിടിച്ചാണ് കലോത്സവ നഗരിയിൽ എത്തിയത്.

കാറഡുക്ക സ്കൂളിലെ രണ്ടാം ക്ലാസ് വിദ്യാർഥിയായ സായൂജ് ഫോടോ എടുക്കുന്നതിൽ കമ്പം കയറിയാണ് കാമറ എടുത്തിറങ്ങിയത്. വീട്ടിൽ വെറുതെ ഇരിക്കുേമ്പോൾ ഫോടോ എടുത്ത് പഠിച്ചിരുന്നു ഈ മിടുക്കൻ. പെയിന്റിംഗ് പണിയെടുക്കുന്ന അച്ഛനാണ് ഫോടോ എടുക്കാൻ പഠിപ്പിച്ചതെന്ന് സായൂജ് പറയുന്നു. ഗാന്ധി നഗറിലെ ജി സി ഷാജു - ദിവ്യ ദമ്പതികളുടെ മകനാണ്.


Keywords: Top-Headlines, Kasargod, Kasaragod-News, Kerala, Kerala-News, School-Arts-Fest, Pictures, Photographer,  Arts Fest, Little photographer in arts fest to capture pictures.