city-gold-ad-for-blogger

പൊതുവിപണിയിലെ വിലക്കയറ്റം തടയാൻ സർക്കാരിൻ്റെ പുതിയ പദ്ധതി; അടുത്ത മാസം എല്ലാ കാർഡുകൾക്കും 27 രൂപയ്ക്ക് സ്പെഷ്യൽ അരി

Kerala Govt launches permanent price stabilization scheme; special rice at ₹27 per kg in December for all ration cards
Representational Image Generated by Meta AI

● എഫ്സിഐയുടെ ഓപ്പൺ മാർക്കറ്റ് സെയിൽസ് സ്കീം വഴി സർക്കാരിന് നേരിട്ട് സംഭരണം നടത്താം
● ഈ പദ്ധതി പ്രകാരം എല്ലാ റേഷൻ കാർഡുകൾക്കും പരമാവധി 15 കിലോഗ്രാം വരെ ധാന്യങ്ങൾ ലഭിക്കും
● സിവിൽ സപ്ലൈസ് കമ്മീഷണർക്കാണ് വിലസ്ഥിരതാ പദ്ധതി നടപ്പാക്കാനുള്ള പൂർണ ചുമതല
● വെള്ള, നീല, ബ്രൗൺ കാർഡുകൾക്ക് അഞ്ച് കിലോയും മഞ്ഞ, പിങ്ക് കാർഡുകൾക്ക് മൂന്ന് കിലോയും നൽകും

തിരുവനന്തപുരം: (KasargodVartha) പൊതുവിപണിയിലെ അരിയുടെയും മറ്റ് ഭക്ഷ്യധാന്യങ്ങളുടെയും വില നിയന്ത്രിക്കാനും ഇവ പൊതുവിതരണസംവിധാനം വഴി ജനങ്ങൾക്ക് ലഭ്യമാക്കാനുമായി സ്ഥിരം വിലസ്ഥിരതാ പദ്ധതിക്ക് സംസ്ഥാന സർക്കാർ രൂപം നൽകി. ഇതിനായി ദേശീയ ഭക്ഷ്യഭദ്രതാ നിയമപ്രകാരം സർക്കാർ വിജ്ഞാപനമിറക്കി.

എഫ്സിഐ സംഭരണവും വിതരണവും

ഫുഡ് കോർപ്പറേഷൻ ഓഫ് ഇന്ത്യയുടെ ഓപ്പൺ മാർക്കറ്റ് സെയിൽസ് സ്കീം വഴി ഇ-ലേലമില്ലാതെയും, ആവശ്യമെങ്കിൽ നേരിട്ടും സർക്കാരിന് ഇനിമുതൽ സംഭരണം നടത്താം. എല്ലാ റേഷൻ കാർഡുകൾക്കും പരമാവധി 15 കിലോഗ്രാം വരെ ധാന്യങ്ങൾ വിതരണം ചെയ്യാനാകും. അതത് കാലത്തെ സംഭരണവിലയോടൊപ്പം ചെറിയ കൈകാര്യച്ചെലവും ചേർത്ത്, സർക്കാരിനായി ലാഭമെടുക്കാതെയാകും ഇതിൻ്റെ വില നിശ്ചയിക്കുക.

ഓരോ തവണയും വിപണി ഇടപെടലിനായി സർക്കാരിൻ്റെ മുൻകൂർ അനുമതിയോടെ കൃത്യമായി ഫണ്ട് അനുവദിക്കും. ഈ പദ്ധതി നടപ്പാക്കാനുള്ള പൂർണ ചുമതല സിവിൽ സപ്ലൈസ് കമ്മീഷണർക്കാണ് നൽകിയിരിക്കുന്നത്.

കേരളം 25,000 ടൺ അരി ആവശ്യപ്പെട്ടപ്പോൾ പ്രത്യേക സ്കീം തയ്യാറാക്കി വിജ്ഞാപനം ഇറക്കാൻ കേന്ദ്ര സർക്കാർ നിർദേശിച്ചിരുന്നു. തുടർന്നാണ് സാഹചര്യങ്ങൾ കൂടി മുൻകൂട്ടി കണക്കിലെടുത്ത് സംസ്ഥാനം സ്ഥിരം വിലസ്ഥിരതാ പദ്ധതി ആവിഷ്കരിച്ചുള്ള വിജ്ഞാപനം ഇറക്കിയിരിക്കുന്നത്.

ഡിസംബറിൽ 27 രൂപയ്ക്ക് സ്പെഷ്യൽ അരി

ഈ പുതിയ പദ്ധതിയുടെ ഭാഗമായി ഡിസംബറിൽ 27 രൂപ നിരക്കിൽ എല്ലാ കാർഡുടമകൾക്കും സ്പെഷ്യൽ അരി വിതരണം ചെയ്യും. മുൻഗണന ഇതര വിഭാഗത്തിലെ വെള്ള, നീല, ബ്രൗൺ കാർഡ് ഉടമകൾക്ക് 5 കിലോഗ്രാം വീതം പുഴുക്കലരി നൽകും. മുൻഗണനാ വിഭാഗത്തിലെ മഞ്ഞ, പിങ്ക് കാർഡുകൾക്ക് 3 കിലോഗ്രാം വീതം പച്ചരിയും ലഭിക്കും. കേന്ദ്ര സർക്കാർ കിലോഗ്രാമിന് 23.90 രൂപയ്ക്ക് നൽകുന്ന അരിയാണ് കൈകാര്യച്ചെലവും ചേർത്ത് 27 രൂപയ്ക്ക് കേരളത്തിലെ കാർഡ് ഉടമകൾക്ക് നൽകുക.

ഇതിനായി 25,000 ടൺ അരി വാങ്ങാൻ 59.75 കോടി രൂപ എഫ്സിഐക്ക് നൽകാൻ സംസ്ഥാന സർക്കാർ അനുമതി നൽകിയിട്ടുണ്ട്. വിലസ്ഥിരതാ പദ്ധതിക്കായി വിജ്ഞാപനം ഇറക്കിയതിൻ്റെ ചുവടുപിടിച്ചാണ് അരി വാങ്ങാനുള്ള ഭരണാനുമതി ലഭിച്ചത്. കഴിഞ്ഞ ഓണക്കാലത്തും സ്പെഷ്യലായി 10 കിലോഗ്രാം വീതം അരി വെള്ള, നീല, ബ്രൗൺ കാർഡ് ഉടമകൾക്ക് സർക്കാർ നൽകിയിരുന്നു.

കൂടുതല്‍ വാർത്തകളും വിശേഷങ്ങളും അറിയാന്‍ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് കമൻ്റായി രേഖപ്പെടുത്തുക. 

Article Summary: Kerala government issues a notification for a permanent price stabilization scheme, offering special rice at Rs 27 per kg in December.

#KeralaRation #CivilSuppliesKerala #PublicWelfare #RicePriceControl #TrivandrumNews #KeralaGovernment #MalayalamNews #FoodSecurity #RenuNews

കാസർകോട് വാർത്തയുടെ ഫെയ്‌സ്‌ബുക്ക് പേജിലൂടെ വാർത്തകളോട് നിങ്ങൾക്കും പ്രതികരിക്കാം. ആരോഗ്യകരമായ ചർച്ചകളെ ഞങ്ങൾ എപ്പോഴും സ്വാഗതം ചെയ്യുന്നു. എന്നാൽ അസഭ്യം, അശ്ലീലം, മതവിദ്വേഷം എന്നിവ അടങ്ങിയ കമന്റുകൾ ഐടി ആക്ട് പ്രകാരം കുറ്റകരമാണ്. നിയമനടപടികൾ സ്വീകരിച്ചെന്നുവരാം.
Shobha K
Shobha K

2962 Articles

Share this story

google news
Local News
Kasargodvartha android application
UNITED MEDICAL CENTER 01/02/2022
wellfitindia

wellfitindia