ജാമിഅ മർകസിൽ കർണാടക സ്റ്റുഡൻ്റ്സ് ഓർഗനൈസേഷൻ്റെ ആഭിമുഖ്യത്തിൽ നടക്കുന്ന 'ഇസ്ദിഹാർ' ലിറ്റററി ഫെസ്റ്റിവൽ പ്രമുഖ കന്നഡ എഴുത്തുകാരൻ ഡോ. പുരുഷോത്തമ ബിലിമാലെ ഉദ്ഘാടനം ചെയ്തു

കോഴിക്കോട്: (KasargodVartha) പ്രാദേശികമായി നിലനിന്നിരുന്ന ചെറിയ ഭാഷകൾ അപ്രത്യക്ഷമാകുന്നത് ആശങ്കാജനകമാണെന്ന് പ്രമുഖ കർണാടക എഴുത്തുകാരനും കന്നഡ ഡെവലപ്മെൻ്റ് അതോറിറ്റി അധ്യക്ഷനുമായ ഡോ. പുരുഷോത്തമ ബിലിമാലെ. ജാമിഅ മർകസിൽ കർണാടക സ്റ്റുഡൻ്റ്സ് ഓർഗനൈസേഷൻ്റെ ആഭിമുഖ്യത്തിൽ നടക്കുന്ന 'ഇസ്ദിഹാർ' ലിറ്റററി ഫെസ്റ്റിവൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

ഭാഷകളുടെ മരണം പ്രാദേശിക ജനസമൂഹങ്ങളുടെ സർഗാത്മകവും സാംസ്കാരികവും പൈതൃകപരവുമായ ആവിഷ്കാരങ്ങളുടെ തകർച്ചയ്ക്ക് കാരണമാകുമെന്നും അവയെ സംരക്ഷിക്കാൻ സർക്കാരുകൾ പദ്ധതികൾ ആവിഷ്കരിക്കേണ്ടതുണ്ടെന്നും അദ്ദേഹം അഭിപ്രായപ്പെട്ടു.

അധ്യക്ഷനും പ്രഭാഷകരും

മർകസ് കാമിൽ ഇജ്തിമയിൽ നടന്ന പരിപാടിയിൽ ജാമിഅ ചാൻസലർ സി. മുഹമ്മദ് ഫൈസി അധ്യക്ഷത വഹിച്ചു. മർകസ് റെക്ടർ ഡോ. റോഷൻ നൂറാനി സന്ദേശ പ്രഭാഷണം നടത്തി. 'അനുധാവനത്തിൻ്റെ യാത്ര' എന്ന ഫെസ്റ്റിവലിൻ്റെ പ്രമേയം ആസ്പദമാക്കി ശരീഫ് സഅദി കാമിൽ സഖാഫി കില്ലൂർ സംസാരിച്ചു.

ചടങ്ങിൽ സംബന്ധിച്ചവർ

ബശീർ സഖാഫി കൈപ്പുറം, ഇഹ്‌യാഉസ്സുന്ന പ്രസിഡൻ്റ് സയ്യിദ് ജസാർ ബാഫഖി, സെക്രട്ടറി ഹാഫിള് ബിഷ്ർ സുൽത്താൻ ബത്തേരി, കെ.എസ്.ഒ. പ്രസിഡൻ്റ് ഹാഫിള് ജാസിൽ കെ.സി. റോഡ്, സെക്രട്ടറി മുഹമ്മദ് അശ്‌റഫ് നാവൂർ, ഫെസ്റ്റിവൽ ചെയർമാൻ റിയാസ് കാവ്, കൺവീനർ ഹാഫിള് സുഹൈൽ ബുഡോളി തുടങ്ങിയവർ ചടങ്ങിൽ സംബന്ധിച്ചു. ലിറ്റററി ഫെസ്റ്റിവലിൻ്റെ ഭാഗമായ കലാ-സാംസ്കാരിക പരിപാടികൾ ഈ മാസം 23-ന് സമാപിക്കും.

ഈ സാഹിത്യ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: Prominent Kannada writer and Kannada Development Authority Chairman Dr. Purushothama Bilimale inaugurated the 'Izdihar' Literary Festival organized by the Karnataka Students Organization at Jamia Markaz in Kozhikode. 

#KasargodVartha #JamiaMarkaz #IzdiharLiteraryFestival #KozhikodeNews #DrPurushothamaBilimale #KannadaLiterature #LanguagePreservation #KeralaNews #AparnaNews