Boats seized | അനധികൃത മണൽ കടത്തിനെതിരെ നടപടി ശക്തമാക്കി പൊലീസ്; പുഴയിൽ നിന്നും 15 തോണികൾ പിടികൂടി

കുമ്പള: (www.kasargodvartha.com) അനധികൃത മണൽ കടത്തുകാർക്കെതിരെ നടപടി ശക്തമാക്കി പൊലീസ്. ഇതിന്റെ ഭാഗമായി കഴിഞ്ഞ ഒരാഴ്ച കാസർകോട് ഡി വൈ എസ് പി, പി ബാലകൃഷ്ണൻ നായരുടെ നേതൃത്വത്തിൽ കുമ്പള തീരദേശ പൊലീസും കുമ്പള പൊലീസും ചേർന്ന് നടത്തിയ റെയ്‌ഡിൽ 15 തോണികൾ പിടികൂടി.
                        
ബന്ധപ്പെട്ടവർക്കെതിരെ കേസെടുത്തിട്ടുണ്ട്. ഒളയം, ബംബ്രാണ വയൽ, പി കെ നഗർ, കളപ്പാറ, മാക്കൂർ എന്നിവിടങ്ങളിലേ അനധികൃത കടവുകളിലേക്ക് മണൽ എത്തിക്കുന്ന തോണികളെയാണ് ഷിറിയ അഴിമുഖത്തു നിന്നും ഷിറിയ പുഴയിലെ മറ്റു സ്ഥലങ്ങളിൽ നിന്നും പിടികൂടിയതെന്ന് പൊലീസ് പറഞ്ഞു.

റെയ്‌ഡിൽ കുമ്പള തീരദേശ പൊലീസ് സ്റ്റേഷൻ ഇൻസ്‌പെക്ടർ ദിലീഷ്, എസ് ഐ മോഹനൻ, സിപിഒ മാരായ സൂരജ്, ദീപക്, ജിതിൻ, കോസ്റ്റൽ വാർഡന്മാരായ സനൂജ്, സജിൻ, രൂപേഷ്, സ്വരൂപ്‌ എന്നിവർ പങ്കെടുത്തു. < !- START disable copy paste -->