General Hospital | 'വാഹനാപകടത്തില് പരുക്ക്, ഓപറേഷന് തീയേറ്ററില് പ്രവേശിപ്പിച്ചിട്ടും അനസ്തേഷ്യ നല്കാന് വിസമ്മതിച്ചു'; കാസര്കോട് ജെനറല് ആശുപത്രിയിലെ ഡോക്ടര്ക്കെതിരെ അച്ചടക്ക നടപടിയെടുക്കാന് മനുഷ്യാവകാശ കമീഷന് ഉത്തരവ്
Jun 22, 2023, 18:54 IST
കാസര്കോട്: (www.kasargodvartha.com) വാഹനാപകടത്തില് പരുക്കേറ്റ മകനെ ശസ്ത്രക്രിയയ്ക്ക് വേണ്ടി തീയേറ്ററില് പ്രവേശിപ്പിച്ചിട്ടും അനസ്തേഷ്യ നല്കാന് ഉത്തരവാദിത്തപ്പെട്ട ഡോക്ടര് കൂട്ടാക്കിയില്ലെന്ന പരാതിയില് കാസര്കോട് ജെനറല് ആശുപത്രി അനസ്തേഷ്യ വിഭാഗത്തിലെ ഡോ. കെ എം വെങ്കിടഗിരിക്കെതിരെ അന്വേഷണം നടത്തി അച്ചടക്ക നടപടി സ്വീകരിക്കാന് മനുഷ്യാവകാശ കമീഷന് ഉത്തരവിട്ടു.
ആരോഗ്യവകുപ്പ് ഡയറക്ടര്ക്കാണ് കമീഷന് ജുഡീഷ്യല് അംഗം കെ ബൈജുനാഥ് നിര്ദേശം നല്കിയത്. ഉത്തരവിന്റെ അടിസ്ഥാനത്തില് സ്വീകരിച്ച നടപടികള് ഒരു മാസത്തിനകം അറിയിക്കണമെന്നും കമീഷന് വ്യക്തമാക്കിയിട്ടുണ്ട്. 2021 ഓഗസ്റ്റ് 11ന് വാഹനാപകടത്തില് കൈക്ക് പരുക്കേറ്റ് കാസര്കോട് ജെനറല് ആശുപത്രിയിലത്തിയ പറക്കട്ട ആര് ഡി നഗറിലെ മുഹമ്മദ് ശാസിബിന് ശസ്ത്രക്രിയക്ക് ആവശ്യമായ അനസ്തേഷ്യ നല്കാന് വിസമ്മതിച്ചുവെന്ന പരാതിയിലാണ് ഡോക്ടര്ക്കെതിരെ നടപടിക്ക് ഉത്തരവിട്ടത്.
അനസ്തേഷ്യ നല്കാത്തത് കാരണം സ്വകാര്യ ആശുപത്രിയില് നിന്നും ശസ്ത്രക്രിയ നടത്തേണ്ടി വന്നതായി ശാസിബിന്റെ മാതാവ് ഫാത്വിമത് സാജിദ നല്കിയ പരാതിയില് പറയുന്നു. ശസ്ത്രക്രിയ നടത്തേണ്ട ഡോ. അഹ്മദ് സാഹിര് അനസ്തേഷ്യ നല്കാന് ഡോ. വെങ്കിടഗിരിയോട് അഭ്യര്ഥിച്ചിട്ടും അദ്ദേഹം അതിന് തയ്യാറായില്ലെന്ന് താലൂക് ആശുപത്രി സൂപ്രണ്ട് കമീഷനില് സമര്പിച്ച വിശദീകരണത്തില് പറയുന്നു.
അഴിമതി ആരോപണത്തെ തുടര്ന്ന് 2019 ജൂലൈ മുതല് ഡിസംബര് വരെ ഡോ. വെങ്കിടഗിരി സസ്പെന്ഷനിലായിരുന്നുവെന്നും സൂപ്രണ്ട് അറിയിച്ചു. ഡോ. അഹ്മദ് സാഹിറും ഡോ. വെങ്കിടഗിരിയും തമ്മില് അഭിപ്രായ വ്യത്യാസങ്ങള് റിപോര്ട് ചെയ്തിട്ടുണ്ടെന്നും വിശദമായ അന്വേഷണം നടത്തേണ്ടിവരുമെന്നും അതുവരെ ഡോക്ടറെ സ്ഥലം മാറ്റാന് നിര്ദേശം നല്കിയിട്ടുണ്ടെന്നും സൂപ്രണ്ടിന്റെ റിപോര്ടിലുണ്ട്.
അനസ്തേഷ്യ നല്കാത്തത് കാരണം സ്വകാര്യ ആശുപത്രിയില് നിന്നും ശസ്ത്രക്രിയ നടത്തേണ്ടി വന്നതായി ശാസിബിന്റെ മാതാവ് ഫാത്വിമത് സാജിദ നല്കിയ പരാതിയില് പറയുന്നു. ശസ്ത്രക്രിയ നടത്തേണ്ട ഡോ. അഹ്മദ് സാഹിര് അനസ്തേഷ്യ നല്കാന് ഡോ. വെങ്കിടഗിരിയോട് അഭ്യര്ഥിച്ചിട്ടും അദ്ദേഹം അതിന് തയ്യാറായില്ലെന്ന് താലൂക് ആശുപത്രി സൂപ്രണ്ട് കമീഷനില് സമര്പിച്ച വിശദീകരണത്തില് പറയുന്നു.
അഴിമതി ആരോപണത്തെ തുടര്ന്ന് 2019 ജൂലൈ മുതല് ഡിസംബര് വരെ ഡോ. വെങ്കിടഗിരി സസ്പെന്ഷനിലായിരുന്നുവെന്നും സൂപ്രണ്ട് അറിയിച്ചു. ഡോ. അഹ്മദ് സാഹിറും ഡോ. വെങ്കിടഗിരിയും തമ്മില് അഭിപ്രായ വ്യത്യാസങ്ങള് റിപോര്ട് ചെയ്തിട്ടുണ്ടെന്നും വിശദമായ അന്വേഷണം നടത്തേണ്ടിവരുമെന്നും അതുവരെ ഡോക്ടറെ സ്ഥലം മാറ്റാന് നിര്ദേശം നല്കിയിട്ടുണ്ടെന്നും സൂപ്രണ്ടിന്റെ റിപോര്ടിലുണ്ട്.
Keywords: General Hospital Kasaragod, Hospital Superintendent, Human Rights Commission, Kerala News, Kasaragod News, Kasaragod General Hospital News, Human Rights Commission orders to take disciplinary action against doctor of Kasaragod General Hospital.
< !- START disable copy paste --> 
