വിവാഹ നിശ്ചയത്തിന് അണിയിച്ച സ്വർണമോതിരം വിരലിൽ കുടുങ്ങി; പ്രതിശ്രുത വരന് ഒടുവിൽ രക്ഷകരായി ചാലക്കുടി ഫയർഫോഴ്സ്

ചാലക്കുടി: (KasargodVartha) വിവാഹ നിശ്ചയത്തിന് പ്രതിശ്രുത വധു അണിയിച്ച സ്വർണമോതിരം വിരലിൽ കുടുങ്ങി. മോതിരം ഇറുകി വേദന സഹിക്കാനാകാതെ വന്നതോടെ പ്രതിശ്രുത വരൻ ഫയർഫോഴ്‌സിൽ അഭയം തേടി. ഞായറാഴ്ച (ഓഗസ്റ്റ് 30) വൈകിട്ട് 6.45-ഓടെയാണ് സംഭവം. പാലക്കാട് അത്തിപ്പറ്റ സ്വദേശിയാണ് വരൻ. ആലപ്പുഴയിലുള്ള പ്രതിശ്രുത വധുവിൻ്റെ വീട്ടിലെ മോതിരമാറ്റ ചടങ്ങ് കഴിഞ്ഞ് തിരികെവരുമ്പോഴാണ് യുവാവിന് വിരലിൽ വേദന രൂക്ഷമായത്.

രക്ഷകരായി ഫയർഫോഴ്സ്

മോതിരം ഇറുകിയതിനെ തുടർന്ന് വിരലിൽ നീര്‌ വെക്കുകയും വേദന അസഹ്യമാവുകയും ചെയ്‌തതോടെയാണ് വരനും സംഘവും ചാലക്കുടി ഫയർ സ്റ്റേഷനിലെത്തിയത്. ഉടൻതന്നെ ഫയർഫോഴ്‌സ് സേനാംഗങ്ങൾ വളരെ ശ്രദ്ധയോടെ സ്വർണമോതിരം അറുത്തുമാറ്റി നൽകി. ഇതോടെയാണ് യുവാവിന് ആശ്വാസമായത്. തുടർന്ന് വരനും സംഘവും പാലക്കാടേക്ക് യാത്ര തിരിച്ചു.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: A groom from Palakkad sought help at the Chalakudy Fire Station after his engagement ring got stuck and caused severe swelling during his return journey from Alappuzha on Sunday, August 30, 2026, prompting the fire force to successfully cut and remove the ring.

#KasargodVartha #Chalakudy #KeralaFireForce #KeralaNews #MalayalamNews #EngagementRing #PalakkadNews #Alappuzha #ViralNews #AparnaNews