ക­ട­പ്പു­റ­ത്തു ക­ണ്ട പെണ്‍­കു­ട്ടി പോ­ലീ­സ് ക­സ്­റ്റ­ഡി­യില്‍

കാസര്‍­കോട്: പെണ്‍­കു­ട്ടി­യെ സംശയ സാ­ഹ­ച­ര്യ­ത്തില്‍ കാസര്‍­കോ­ട് ക­ട­പ്പുറ­ത്ത് ക­ണ്ടെത്തി. ബു­ധ­നാഴ്­ച രാ­വി­ലെ ക­ട­പ്പു­റം ലൈ­റ്റ് ഹൗ­സ് പ­രി­സ­ര­ത്താ­ണ് പെണ്‍­കു­ട്ടി­യെ ക­ണ്ടെ­ത്തി­യ­ത്. സംഭവം 38-ാം വാര്‍­ഡ് കൗണ്‍­സി­ലര്‍ ലീ­ലാ­മ­ണി­ അ­റി­യി­ച്ച­തി­നെ­തു­ടര്‍­ന്ന് ടൗണ്‍ പോ­ലീ­സെ­ത്തി പെണ്‍­കു­ട്ടി­യെ ക­സ്റ്റ­ഡി­യി­ലെ­ടു­ത്തു.

15 വയ­സ് തോ­ന്നി­ക്കു­ന്ന പെണ്‍­കു­ട്ടി പര്‍­ദ­യാണ് ധരി­ച്ചി­ട്ടു­ള്ളത്. താന്‍ തി­രു­വ­ന­ന്ത­പു­രം സ്വ­ദേ­ശി­നി­യാ­ണെന്നും അ­വി­ടെ പ്ല­സ്­ടു­വി­ന് പഠി­ക്കു­ക­യാ­ണെന്നും റു­മൈ­സ എ­ന്ന സ­ഹ­പാഠി­യെ തേ­ടി­യാ­ണ് കാസര്‍­കോ­ട്ടു വ­ന്ന­തെ­ന്നും പെണ്‍­കു­ട്ടി പ­റ­യുന്നു. ചൊ­വ്വാഴ്­ച രാത്രി ട്രെ­യി­നില്‍ ക­യറി­യ താന്‍ ബു­ധ­നാഴ്­ച രാ­വി­ലെ­യാ­ണ് കാസര്‍­കോ­ട്ടെ­ത്തി­യ­തെ­ന്നും പെണ്‍­കു­ട്ടി പ­റ­ഞ്ഞു.

എ­ന്നാല്‍ ഈ വി­വ­ര­ങ്ങള്‍ പൂര്‍­ണ­മാ­യി വി­ശ്വ­സി­ക്കാന്‍ പോ­ലീ­സി­ന് ക­ഴി­യു­ന്നില്ല. പെണ്‍­കു­ട്ടി­യു­ടെ ബ­ന്ധു­ക്ക­ളു­മാ­യി ബ­ന്ധ­പ്പെ­ട്ട് കൂ­ടു­തല്‍ വി­വ­ര­ങ്ങള്‍ ശേ­ഖ­രി­ച്ചു വ­രി­ക­യാ­ണെ­ന്ന് പോ­ലീ­സ് പ­റഞ്ഞു. വീ­ട്ടു­കാ­രു­മാ­യി പി­ണ­ങ്ങി­യാ­ണ് പെണ്‍­കു­ട്ടി വീ­ടു വി­ട്ട­തെ­ന്ന് സം­ശ­യി­ക്കു­ന്ന­താ­യി ടൗണ്‍ എസ്.ഐ ദി­നേ­ശ് പ­റഞ്ഞു. പെണ്‍­കു­ട്ടി­യു­ടെ ര­ക്ഷി­താ­ക്കള്‍ കാസര്‍­കോ­ട്ടേ­ക്ക് പു­റ­പ്പെ­ട്ടി­ട്ടു­ള്ള­താ­യും എസ്.ഐ പ­റ­ഞ്ഞു.