Republic Day | ന്യൂഡെൽഹിയിൽ റിപബ്ലിക് ദിന കാംപിൽ പങ്കടുക്കാൻ കാസർകോട് സ്വദേശിയും; സി ഗിരിപ്രസാദിന് അവസരം

നീലേശ്വരം: (www.kasargodvartha.com) ന്യൂഡെൽഹിയിൽ ജനുവരി ഒന്നു മുതൽ 30 വരെ നടക്കുന്ന റിപബ്ലിക് ദിന കാംപിൽ പങ്കടുക്കുന്നതിന് കാസർകോട് സ്വദേശിക്കും അവസരം. പടന്നക്കാട് നെഹ്റു ആർട്സ് ആൻഡ് സയൻസ് കോളജ് വിദ്യാർഥി സി ഗിരിപ്രസാദ് ആണ് നേട്ടം കൈവരിച്ചത്.
              
സംസ്ഥാനത്തിൻ്റെ വിവിധ ഭാഗങ്ങളിലായി നടന്ന എട്ട് ദശദിന കാംപുകളിലെ മികച്ച പ്രകടനത്തിൻ്റെ അടിസ്ഥാനത്തിലാണ് ഗിരിപ്രസാദിന് അവസരം ലഭിച്ചത്. 32 കേരള ബറ്റാലിയനിൽ നിന്ന് ഈ വർഷം റിപബ്ലിക് ദിന കാംപിൽ പങ്കെടുക്കുന്ന ഏക കാഡറ്റാണ് ഗിരിപ്രസാദ്.

              
നീലേശ്വരം ചിറപ്പുറത്തെ സി ഗിരീഷ് - സി ബിന്ദു ദമ്പതികളുടെ മകനാണ്. പടന്നക്കാട് നെഹ്റു ആർട്സ് ആൻഡ് സയൻസ് കോളജിലെ രണ്ടാം വർഷ ബിഎ മലയാളം വിദ്യാർഥിയാണ്.