കഞ്ചാവ് വില്‍പ്പനക്കിടെ പിടിയിലായ യുവാവിന് 10,000 രൂപ പിഴ

By Web Desk SUApr 25, 2017, 11:46 IST

കാഞ്ഞങ്ങാട്: (www.kasargodvartha.com 25.04.2017) കഞ്ചാവ് വില്‍പ്പനയ്ക്കിടെ പിടിയിലായ യുവാവിനെ കോടതി 10,000 രൂപ പിഴയടക്കാന്‍ ശിക്ഷിച്ചു. അതിഞ്ഞാല്‍ തെക്കേപ്പുറത്തെ മുഹമ്മദ് അസ്ഹറുദ്ദിനെ(20) യാണ് ഹൊസ്ദുര്‍ഗ് ജുഡീഷ്യല്‍ ഒന്നാംക്ലാസ് മജിസ്‌ട്രേറ്റ് കോടതി ശിക്ഷിച്ചത്.

2016 ജനുവരി 25 ന് കാഞ്ഞങ്ങാട് ബസ് സ്റ്റാൻഡ് കേന്ദ്രീകരിച്ച് കഞ്ചാവ് വില്‍പ്പന നടക്കുന്നുണ്ടെന്ന് വിവരം കിട്ടിയതിന്റെ അടിസ്ഥാനത്തില്‍ എക്‌സൈസ് റെയ്ഞ്ച് ഓഫീസര്‍ സുബ്ര്യമണ്യന്റെ നേതൃത്വത്തില്‍ അന്വേഷണം നടത്തുന്നതിനിടയിലാണ് മുഹമ്മദ് അസ്ഹറുദ്ദിന്‍ ബസ് സ്റ്റാൻഡിന് സമീപത്തെ ഒരു കടയുടെ മുന്നില്‍ വെച്ച് പിടിയിലായത്. ഇയാളുടെ കയ്യില്‍ നിന്ന് ഇരുപത് ഗ്രാം കഞ്ചാവ് പിടിച്ചെടുക്കുകയായിരുന്നു.