സന്ധ്യയുടെ മരണം; അന്വേഷണം ഡി.വൈ.എസ്.പി. ഏറ്റെടുത്തു

വെള്ളരിക്കുണ്ട്: പരപ്പ കനകപ്പള്ളിയിലെ കൂലിത്തൊഴിലാളിയായ മധുവിന്റെ ഭാര്യ സന്ധ്യ(30) ആത്മഹത്യ ചെയ്ത കേസിന്റെ തുടര്‍ അന്വേഷണം കാഞ്ഞങ്ങാട് ഡി.വൈ.എസ്.പി. മാത്യു എക്‌സല്‍ ഏറ്റെടുത്തു. ഭര്‍ത്താവ് മധുവിന്റെയും മാതാവ് മാധവിയുടെയും സഹോദരി സുശീലയുടെയും നിരന്തരമായ പീഢനത്തില്‍ മനംനൊന്താണ് സന്ധ്യ ദേഹത്ത് മണ്ണെണ്ണയൊഴിച്ച് തീകൊളുത്തി ആത്മഹത്യ ചെയ്തതെന്നാണ് പോലീസ് അന്വേഷണത്തില്‍ കണ്ടെത്തിയത്.

ജൂണ്‍ 30ന് രാത്രി 11 മണിയോടെയാണ് സന്ധ്യ ഭര്‍തൃവീട്ടിലെ അടുക്കളമുറിയില്‍ വെച്ച് ദേഹത്ത് മണ്ണെണ്ണയൊഴിച്ച് തീകൊളുത്തിയത്. അത്യാസന്നനിലയില്‍ പരിയാരം മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്ന സന്ധ്യ ജൂണ്‍ നാലിന് വൈകിട്ടാണ് മരണപ്പെട്ടത്. സന്ധ്യയെ പീഢിപ്പിച്ചതിനും മര്‍ദ്ദിച്ചതിനുമാണ് ഭര്‍ത്താവ് മധു ഉള്‍പ്പെടെയുള്ളവര്‍ക്കെതിരെ പോലീസ് ആദ്യം കേസെടുത്തിരുന്നത്. സന്ധ്യ മരണപ്പെട്ട സാഹചര്യത്തില്‍ മധുവിനും മറ്റുമെതിരെ ആത്മഹത്യാ പ്രേരണയ്ക്കും പോലീസ് കേസെടുക്കുകയായിരുന്നു.

Keywords:  DYSP takes charge of probe in Sandya's case, Murder Case, DYDP, Investigation, Husband, Wife, Obit, Death, Vellarikundu, Kasaragod, Kerala, Kerala Vartha, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.