മാങ്ങാട്ടെ യൂത്ത് കോണ്ഗ്രസ്-ഡി.വൈ.എഫ്.ഐ സംഘട്ടനം; 11 പേര്ക്കെതിരെ കേസ്
Aug 18, 2013, 23:42 IST
ഉദുമ: മാങ്ങാട്ട് ശനിയാഴ്ച രാത്രിയുണ്ടായ യൂത്ത് കോണ്ഗ്രസ്-ഡി.വൈ.എഫ്.ഐ സംഘട്ടനത്തില് ബേക്കല് പോലീസ് 11 പേര്ക്കെതിരെ കേസെടുത്തു. രണ്ട് പരാതികളിലായാണ് കേസ്. ഡി.വൈ.എഫ്.ഐ പ്രവര്ത്തകന് ഷാജി ഗോപാലന്റെ പരാതിയില് രാമന്, വിജേഷ്, പ്രദീഷ്, കുട്ടു, സുനില്, സച്ചിന് എന്നീ യൂത്ത് കോണ്ഗ്രസ് പ്രവര്ത്തകര്ക്കും, യൂത്ത് കോണ്ഗ്രസ് പ്രവര്ത്തകന് സുശീല് കുമാറിന്റെ പരാതിയില് ഷാജി, ഗോപാലന്, വൈശാഖ്, സനല്, മറ്റൊരാള് എന്നിവര്ക്കുമെതിരെയാണ് കേസ്.
സംഘട്ടനത്തില് ഏഴു പേര്ക്ക് പരിക്കേറ്റിരുന്നു. ഉദുമ മണ്ഡലം ദളിത് കോണ്ഗ്രസ് സെക്രട്ടറി മാങ്ങാട് ആര്യടുക്കം കോളനിയിലെ കെ. രജനീകാന്ത് (29), സി.എസ് സുധീഷ് കുമാര് (18), കെ. പ്രജീഷ് (16), ശ്രീജ (29), ഡി.വൈ.എഫ്.ഐ പ്രവര്ത്തകരായ മാങ്ങാട്ടെ ഷാജി (21), വൈശാഖ് (20), ഷൈജു (21) എന്നിവര്ക്കാണ് പരിക്കേറ്റത്. സംഭവത്തില് ഇനി രണ്ട് കേസ് കൂടി രജിസ്റ്റര് ചെയ്യുമെന്ന് ബേക്കല് പോലീസ് അറിയിച്ചു.
ഇവരില് യൂത്ത് കോണ്ഗ്രസ് പ്രവര്ത്തകരെ ജനറല് ആശുപത്രിയിലും മറ്റുള്ളവരെ ചെങ്കളയിലെ സഹകരണ ആശുപത്രിയിലും പ്രവേശിപ്പിച്ചു. സി.പി.എം-ഡി.വൈ.എഫ്.ഐ പ്രവര്ത്തകര് കോളനിയില് കയറി ആക്രമിക്കുകയായിരുന്നുവെന്നാണ് പരിക്കേറ്റ യൂത്ത് കോണ്ഗ്രസ് പ്രവര്ത്തകര് പറയുന്നത്.
എന്നാല് രാത്രി നടന്നുപോകുമ്പോള് വൈശാഖിനെ യൂത്ത് കോണ്ഗ്രസ് പ്രവര്ത്തകര് ആക്രമിക്കുകയായിരുന്നുവെന്നും ഷാജിയുടെ വീട്ടില് അഭയം തേടിയപ്പോള് മറ്റുള്ളവരെയും ആക്രമിക്കുകയായിരുന്നു എന്നാണ് ഡി.വൈ.എഫ്.ഐ പ്രവര്ത്തകര് പറയുന്നത്.

ഇവരില് യൂത്ത് കോണ്ഗ്രസ് പ്രവര്ത്തകരെ ജനറല് ആശുപത്രിയിലും മറ്റുള്ളവരെ ചെങ്കളയിലെ സഹകരണ ആശുപത്രിയിലും പ്രവേശിപ്പിച്ചു. സി.പി.എം-ഡി.വൈ.എഫ്.ഐ പ്രവര്ത്തകര് കോളനിയില് കയറി ആക്രമിക്കുകയായിരുന്നുവെന്നാണ് പരിക്കേറ്റ യൂത്ത് കോണ്ഗ്രസ് പ്രവര്ത്തകര് പറയുന്നത്.
![]() |
Shaiju |
![]() |
Shaji |
Keywords : Udma, Mangad, DYFI, youth-congress, Clash, Injured, Hospital, Kasaragod, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.