മറിഞ്ഞ ലോറിക്കടിയില്‍പെട്ട് ഡ്രൈവര്‍ക്ക് ഗുരുതരം

By Web Desk SNJul 26, 2017, 12:14 IST

കാസര്‍കോട്: (www.kasargodvartha.com 26.07.2017) മറിഞ്ഞ ടിപ്പര്‍ ലോറിക്കടിയില്‍പെട്ട് ഡ്രൈവര്‍ക്ക് ഗുരുതരമായി പരിക്കേറ്റു. മഞ്ചേശ്വരം സ്വദേശി താരനാഥി (26) നാണ് ഗുരുതരമായി പരിക്കേറ്റത്. കാസര്‍കോട് അമെയ് കോളനിയില്‍ ബുധനാഴ്ച രാവിലെ 11.20 മണിയോടെയാണ് അപകടമുണ്ടായത്.

പൂഴിയുമായി പോവുകയായിരുന്ന ലോറി നിയന്ത്രണം വിട്ട് കുഴിയിലേക്ക് മറിയുകയായിരുന്നു. ലോറിക്കടിയില്‍പെട്ട താരനാഥിനെ ഓടിക്കൂടിയ നാട്ടുകാരാണ് ആശുപത്രിയിലെത്തിച്ചത്. നില ഗുരുതരമായതിനാല്‍ മംഗളൂരുവിലെ ആശുപത്രിലേക്ക് മാറ്റുകയായിരുന്നു.