കാര്‍ നിയന്ത്രണംവിട്ട് നൂറടി താഴ്ചയിലേക്ക് മറിഞ്ഞു; ഡ്രൈവര്‍ക്ക് ഗുരുതരം, കുട്ടി ഉള്‍പെടെ 3 പേര്‍ അത്ഭുതകരമായി രക്ഷപ്പെട്ടു

അഡൂര്‍: (www.kasargodvartha.com 17.11.2018) കാര്‍ നിയന്ത്രണംവിട്ട് നൂറടി താഴ്ചയിലേക്ക് മറിഞ്ഞു. അപകടത്തില്‍ ഡ്രൈവര്‍ക്ക് ഗുരുതരമായി പരിക്കേറ്റു. കുട്ടി ഉള്‍പെടെ കാറിലുണ്ടായിരുന്ന മൂന്നുപേര്‍ അത്ഭുതകരമായി രക്ഷപ്പെട്ടു. ജയ്ഹിന്ദ് ടി വി റിപോര്‍ട്ടര്‍ പുരുഷോത്തമന്റെ പള്ളത്തിമൂലയിലെ വീടിനു മുകളിലേക്ക് കാര്‍ മറിഞ്ഞത്. വെള്ളിയാഴ്ച സന്ധ്യയോടെയാണ് അപകടമുണ്ടായത്.

ആദൂരിലെ ഇബ്രാഹിമിനാണ് ഗുരുതരമായി പരിക്കേറ്റത്. ഇബ്രാഹിമിനെ മംഗളൂരുവിലെ ആശുപത്രിയില്‍ പ്രവേശിപ്പിച്ചു. ഡ്രൈവിംഗ് പരിശീലിക്കുന്നതിനിടെയാണ് അപകടമുണ്ടായതെന്നാണ് വിവരം. പുരുഷോത്തമന്റെ വീടിന്റെ അടുക്കള ഭാഗത്തേക്കാണ് മറിഞ്ഞത്. അവിടെനിന്നു താഴെയുള്ള ബയോഗ്യാസ് ടാങ്കിലേക്കു മറിഞ്ഞതിനാല്‍ ദുരന്തം ഒഴിവാകുകയായിരുന്നു. കാര്‍ വീണ് അടുക്കളക്കും സിറ്റൗട്ടിനും കേടുപാടു സംഭവിച്ചു.