അപകട ഭീഷണി ഉയർത്തിയ മരങ്ങൾ മുറിച്ചുമാറ്റി; നാട്ടുകാർക്കൊപ്പം ചേർന്ന് നഗരസഭ ചെയർമാനും

                                                               


ഞായറാഴ്ച കാസർകോട് നഗരസഭ ചെയർമാൻ അഡ്വ. വി എം മുനീറിന്റെ നേതൃത്വത്തിൽ നാട്ടുകാർ ഒരുമിച്ചാണ് മരങ്ങൾ മുറിച്ച് മാറ്റിയത്. നാട്ടുകാരൻ കൂടിയായ നഗരസഭ ചെയർമാൻ ഔദ്യോഗിക പദവികള്‍ മാറ്റിവെച്ച്‌ മരം മുറിക്കുന്ന പ്രവർത്തനങ്ങളിൽ ഒപ്പം ചേർന്നത് മറ്റുള്ളവർക്കും ആവേശം പകർന്നു.

വിദ്യാർഥികളടക്കം നൂറുകണക്കിന് കാൽനടയാത്രക്കാരും നിരവധി വാഹനങ്ങളും ദിനം പ്രതി കടന്നു പോകുന്ന പാതയിലെ മരങ്ങൾ ഭയത്തോടെയാണ് എല്ലാവരും കണ്ടിരുന്നത്. സ്‌കൂൾ, ആശുപത്രി, മസ്‌ജിദ്‌ തുടങ്ങിയ സ്ഥലങ്ങളിലേക്കുള്ള പ്രധാന പാതകളിലൊന്ന് കൂടിയാണ് ഇത്. സമീപത്ത് തന്നെ ബസ് കാത്തിരിപ്പ് കേന്ദ്രവും ക്ലബുമൊക്കെ സ്ഥിതി ചെയ്യുന്നുണ്ട്. കാലവർഷം കൂടി ശക്തമാകുന്നതിനിടെ ഭീതിയിൽ ആയിരുന്നു ജനങ്ങൾ.

പൊതുമരാമത്ത് സ്റ്റാൻഡിങ് കമിറ്റി ചെയർമാൻ സിയാന ഹനീഫ്, പഡാൻസ് ക്ലബ് പ്രവർത്തകർ എന്നിവരും സജീവ സാന്നിധ്യമായി ഉണ്ടായിരുന്നു. < !- START disable copy paste -->