ഫേസ്ബുക് പോസ്റ്റ്: വത്സൻ പിലിക്കോടിന്റെ പ്രസ്‌താവന അപക്വവും പ്രതിഷേധാർഹവുമെന്ന് മഹിളാ അസോസിയേഷൻ

നീലേശ്വരം: (www.kasargodvartha.com 14.03.2022) നീലേശ്വരം നഗരസഭയുമായി ബന്ധപ്പെട്ട് ചെയർപേഴ്‌സൻ, വൈസ് ചെയർമാൻ എന്നിവർക്കെതിരെ അധ്യാപകനും എഴുത്തുകാരനും പ്രഭാഷകനുമായ വത്സൻ പിലിക്കോട് സ്ത്രീത്വത്തെ അപമാനിക്കുന്ന തരത്തിൽ ഫേസ്ബുകിൽ പോസ്റ്റിട്ടതായി വിമർശനം. വിവാദമായതോടെ അദ്ദേഹം ക്ഷമാപണവുമായി രംഗത്തെത്തി.

നീലേശ്വരം നഗരസഭാ ചെയർപേഴ്‌സണും ജനാധിപത്യ മഹിളാ അസോസിയേഷൻ ജില്ലാ വൈസ്‌ പ്രസിഡന്റുമായ ടി വി ശാന്തയെ അധിക്ഷേപിച്ചുള്ള കുട്ടമത്ത്‌ ഗവ. ഹയർസെകൻഡറി സ്‌കൂൾ അധ്യാപകൻ വത്സൻ പിലിക്കോടിന്റെ ഫേസ്ബുക് പോസ്റ്റ്‌ അപക്വവും പ്രതിഷേധാർഹവുമാണെന്ന്‌ ജനാധിപത്യ മഹിളാ അസോസിയേഷൻ ജില്ലാ കമിറ്റി പ്രസ്‌താവനയിൽ പറഞ്ഞു.


സ്ത്രീത്വത്തെ അപമാനിക്കുന്ന വിധം സാമൂഹ്യമാധ്യമത്തിൽ പോസ്‌റ്റിട്ട അധ്യാപകനെതിരെ കർശന നിയമനടപടി സ്വീകരിക്കണം. ഇദ്ദേഹം അധ്യാപക സമൂഹത്തിന്‌ തന്നെ അപമാനമാണ്‌. സാംസ്‌കാരിക പ്രവർത്തകൻ എന്നപേരിൽ പൊതുപരിപാടികളിൽ പങ്കാളിയാകുന്ന ഇദ്ദേഹത്തിന്റെ യഥാർഥ മുഖമാണ്‌ ഇതിലൂടെ പുറത്തുവന്നത്‌. കപടത മുതൽക്കൂട്ടാക്കിയ ഈ അധ്യാപകനെതിരെ സ്‌ത്രീകൾ ഉൾപെടെയുള്ള പൊതുസമൂഹം ശക്തമായി പ്രതികരിക്കണമെന്നും ഇത്തരക്കാരെ സമൂഹത്തിൽ ഒറ്റപ്പെടുത്തണമെന്നും ജില്ലാപ്രസിഡന്റ്‌ പി സി സുബൈദയും സെക്രട റി എം സുമതിയും കൂട്ടിച്ചേർത്തു.അതേസമയം വിവാദ പോസ്റ്റ് പിൻവലിച്ച് വത്സൻ പിലിക്കോട് ക്ഷമാപണം നടത്തിയിരുന്നു. 

Keywords: Criticism over Valsan Pilicode's Facebook post, Kerala, Nileshwaram, News, Top-Headlines, Social-Media, Women, Government, School, District, President, Secretary, Teacher.





< !- START disable copy paste -->