Legal Notice | 'സിപിഎം 367 കോടി രൂപ ഇലക്ടറൽ ബോണ്ട് കൈപ്പറ്റിയെന്ന് ലേഖനം'; കന്നഡ പത്രത്തിനെതിരെ നേതൃത്വം നിയമ നടപടിക്ക്; വക്കീൽ നോടീസ് അയച്ചു

കാസർകോട്: (KasargodVartha) രാഷ്ട്രീയ കക്ഷികൾ ഇലക്ടറൽ ബോണ്ട് കൈപ്പറ്റിയതിൻ്റെ വിവരം പുറത്ത് വിടണമെന്ന സുപ്രീം കോടതി ഉത്തരവ് പുറത്ത് വന്നതിന് പിന്നാലെ സിപിഎമും 367 കോടി രൂപ ഇലക്ടറൽ ബോണ്ട് കൈപ്പറ്റിയെന്ന് ലേഖനം പ്രസിദ്ധീകരിച്ചതായി ആരോപിച്ച് കന്നഡ പത്രത്തിനെതിരെ കാസർകോട് ജില്ലാ സെക്രടറിയറ്റംഗം കെ ആർ ജയാനന്ദ വക്കീൽ നോടീസ് അയച്ചു.
  
മോദി സർകാർ കൊണ്ടുവന്ന ഇലക്ടറൽ ബോണ്ട് പദ്ധതി സുപ്രീംകോടതി ഭരണഘടനാ ബെഞ്ച് റദ്ദാക്കിയതിനെത്തുടർന്ന് ഫെബ്രുവരി 16ന് പത്രത്തിന്റെ എഡിറ്റ് പേജിൽ പ്രസിദ്ധീകരിച്ച ലേഖനത്തിൽ ബിജെപി, കോൺഗ്രസ് തുടങ്ങിയ പാർടികൾക്കൊപ്പം സിപിഎമും 367 കോടിയുടെ ബോണ്ട് സ്വീകരിച്ചതായി പരാമർശിക്കുന്നുവെന്നാണ് ആരോപണം.