ആവേശത്തിരയിൽ സിപിഎം കാസർകോട് ജില്ലാ കമിറ്റിയുടെ ബഹുനില ഓഫീസ് സമുച്ചയം മുഖ്യമന്ത്രി പിണറായി വിജയൻ ഉദ്‌ഘാടനം ചെയ്തു; സാന്നിധ്യമായി നേതാക്കളുടെ നീണ്ട നിര

കാസർകോട്: (www.kasargodvartha.com 26.12.2021) ആവേശത്തിരയിലാഴ്ത്തി സിപിഎം കാസർകോട് ജില്ലാ കമിറ്റിയുടെ ബഹുനില ഓഫീസ് സമുച്ചയം 'എ കെ ജി മന്ദിരം' മുഖ്യമന്ത്രി പിണറായി വിജയൻ ഉദ്‌ഘാടനം ചെയ്തു. നിരവധി നേതാക്കളുടെയും അണികളുടെയും പൊതുജനങ്ങളുടെയും സാന്നിധ്യത്തിലായിരുന്നു ചടങ്ങ്.

  


ഇടതുപക്ഷം രാജ്യത്ത് തന്നെ വലിയൊരു ആശാകേന്ദ്രമാണെന്ന് ഉദ്‌ഘാടന പ്രസംഗത്തിൽ മുഖ്യമന്ത്രി പറഞ്ഞു. ഇടതുപക്ഷമാണ് രാജ്യത്ത് കാര്യങ്ങൾ ശരിയായി അവതരിപ്പിക്കുന്നതെന്നും അതുകൊണ്ട് ജനങ്ങൾ വിശ്വാസത്തിലെടുക്കുന്നുവെന്നും അദ്ദേഹം കൂട്ടിച്ചേർത്തു. കോൺഗ്രസ് തുടങ്ങി വെച്ച ആഗോളവത്കരണ നയം മോദിയുടെ നേതൃത്വത്തിലുള്ള സർകാർ വീറോടെ നടപ്പാക്കുകയാണ്. ഇതിന്റെ കെടുതികൾ രാജ്യം അനുഭവിക്കുന്നു. ആഗോളീകരണത്തെ ചെറുക്കുന്ന ബദൽ മാർഗമാണ് കേരളത്തിലെതെന്നും മുഖ്യമന്ത്രി കൂട്ടിച്ചേർത്തു.