കോൺഗ്രസ് നേതാവ് ചേക്കോട് ബാലകൃഷ്ണൻ നായർ നിര്യാതനായി

മുളിയാർ: (www.kasargodvartha.com 24.09.2020) കോൺഗ്രസ് നേതാവും മുൻ ഗ്രാമപഞ്ചായത്ത് പ്രസിഡണ്ടുമായിരുന്ന ചേക്കോട് ബാലകൃഷ്ണൻ നായർ (72) നിര്യാതനായി. അസുഖം കാരണം കാസർകോട് സ്വകാര്യ ആശുപത്രിയിൽ ചികിത്സയിലായിരുന്നു.  ബുധനാഴ്ച രാത്രിയോടെയാണ് അന്ത്യം സംഭവിച്ചത്. പരേതരായ സി കുഞ്ഞിരാമൻ നായർ - കാർത്യായനി അമ്മ ദമ്പതികളുടെ മകനാണ്.

മുളിയാറിലെ മതേതരത്വത്തിന്റെയും, ജനകീയതയുടെയും മുഖമായിരുന്നു. മേലത്ത് നാരായണൻ നായരുടെ ശിഷ്യനായി പൊതു രംഗത്ത് കടന്നു വന്ന് അദ്ദേഹം പഞ്ചായത്ത് പ്രസിഡണ്ടായിരിക്കെ ബാലകൃഷ്ണൻ നായർ പഞ്ചായത്ത് അംഗമായിരുന്നു. ഇരുപത്തിമൂന്ന് വർഷത്തോളം ഗ്രാമ പഞ്ചായത്ത് അംഗമായി തെരഞ്ഞെടുക്കപ്പെടുകയും അതിൽ ഒന്നരവർഷത്തോളം ഗ്രാമപഞ്ചായത്ത് പ്രസിഡണ്ടായും സേവനമനുഷ്ടിച്ചു.