യുവതി അവിഹിതബന്ധത്തില്‍ കുഞ്ഞിന് ജന്മം നല്‍കിയ സംഭവത്തില്‍ പീഡിപ്പിച്ച വാര്‍പ്പ് തൊഴിലാളിക്കെതിരെ പോലീസ് കേസെടുത്തു

തൃക്കരിപ്പൂര്‍: (www.kasargodvartha.com 06.10.2018) യുവതി അവിഹിതബന്ധത്തില്‍ കുഞ്ഞിന് ജന്മം നല്‍കിയ സംഭവത്തില്‍ യുവതിയെ പീഡിപ്പിച്ച വാര്‍പ്പ് തൊഴിലാളിക്കെതിരെ പോലീസ് കേസെടുത്തു. തൃക്കരിപ്പൂര്‍ കന്നുവീട് കടപ്പുറത്തെ രാജനെതിരെയാണ് ചന്തേര പോലീസ് കേസെടുത്തത്. ഇയാളാണ് തന്നെ പീഡിപ്പിച്ചതെന്ന് കാണിച്ച് യുവതി നല്‍കിയ പരാതിയുടെ അടിസ്ഥാനത്തിലാണ് പോലീസ് കേസെടുത്തത്.

കഴിഞ്ഞ ദിവസം വൈകിട്ട് വയറുവേദനയും അലര്‍ജിയുമാണെന്ന് പറഞ്ഞാണ് യുവതിയും മാതാവും തൃക്കരിപ്പൂര്‍ താലൂക്ക് ആശുപത്രിയിലെത്തിയത്. ഡ്യൂട്ടി ഡോക്ടര്‍ നടത്തിയ പരിശോധനയില്‍ യുവതി ഗര്‍ഭിണിയാണെന്ന് കണ്ടെത്തുകയും പോലീസിന്റെ സഹായത്തോടെ യുവതിയെ പയ്യന്നൂര്‍ ഗവ. ആശുപത്രിയില്‍ പ്രവേശിപ്പിക്കുകയായിരുന്നു. അവിടെ വെച്ച് യുവതി പെണ്‍കുഞ്ഞിന് ജന്മം നല്‍കി.



എന്നാല്‍ അവിഹിത ബന്ധത്തില്‍ പിറന്ന കുഞ്ഞിനെ ഏറ്റെടുക്കാന്‍ യുവതി തയ്യാറായിരുന്നില്ല. ഇതോടെ പോലീസ് ചൈല്‍ഡ് ലൈനിനെ വിവരമറിയിക്കുകയും ചൈല്‍ഡ് ലൈന്‍ ഇടപെട്ട് കുഞ്ഞിനെ ചൈല്‍ഡ് ലൈന്‍ പട്ടുവം ദീന സേവന സഭയെ ഏല്‍പിക്കുകയുമായിരുന്നു.