ഓട്ടോറിക്ഷയെ വെട്ടിക്കുന്നതിനിടെ നിയന്ത്രണം വിട്ട സ്വകാര്യബസ് വൈദ്യുതി പോസ്റ്റിലിടിച്ചു; റോഡരികിലെ മതിലില്‍ ഇടിച്ച് നിന്നതിനാല്‍ വലിയ അപകടം ഒഴിവായി

By Web Desk SUDec 5, 2019, 17:41 IST

മുള്ളേരിയ:(www.kasargodvartha.com 05.12.2019) ഓട്ടോറിക്ഷയെ വെട്ടിക്കുന്നതിനിടെ നിയന്ത്രണം വിട്ട സ്വകാര്യബസ് വൈദ്യുതി പോസ്റ്റിലിടിച്ചു. വ്യാഴാഴ്ച രാവിലെ 8.45 മണിയോടെ മുള്ളേരിയ ജംഗ്ഷനില്‍ വെച്ചാണ് അപകടമുണ്ടായത്. വൈദ്യുതി പോസ്റ്റിലിടിച്ച് മുന്നോട്ടുനീങ്ങിയ ബസ് റോഡരികിലെ മതിലില്‍ ഇടിച്ച് നിന്നതിനാല്‍ വലിയ അപകടം ഒഴിവായി.

കിന്നിംഗാറില്‍ നിന്ന് കുമ്പളയിലേക്ക് വരികയായിരുന്ന സ്വകാര്യ ബസാണ് വന്‍ അപകടത്തില്‍ നിന്നും ഒഴിവായത്. അപകടത്തില്‍ ആര്‍ക്കും പരിക്കേറ്റിട്ടില്ല.