Ramadan Market | റമദാനെ വരവേൽക്കാനൊരുങ്ങി വിശ്വാസികൾ; വിപണി സജീവമായി; മാർകറ്റുകളിൽ തിരക്കേറി

ദിവസങ്ങൾക്ക് മുൻപു തന്നെ മസ്ജിദുകളും വീടുകളും ശുചീകരിച്ച് സജ്ജമായി കഴിഞ്ഞിട്ടുണ്ട്. ഇത്തവണ കനത്ത വേനൽ ചൂട് അനുഭവപ്പെടുന്നുണ്ടെങ്കിലും വിശ്വാസത്തിന്റെ കരുത്തിൽ അതൊന്നും തളർത്തില്ലെന്ന് വിശ്വാസികൾ പറയുന്നു. ആത്മവിശുദ്ധിയുടെയും ത്യാഗ സമര്‍പണത്തിന്റെയും പ്രതീകമായ റമദാന്‍ മാസങ്ങളുടെ നേതാവ് കൂടിയാണ്. വിശുദ്ധ ഖുര്‍ആ​ൻെറ അവതരണ മാസം കൂടിയാണിത്.

റ​മ​ദാ​ൻ അടുത്തെത്തിയതോടെ ഗ്രാ​മ - ന​ഗ​ര വ്യ​ത്യാ​സ​മി​ല്ലാ​തെ വി​പ​ണി​യും സ​ജീ​വ​മാ​യി. ഉപ്പുതൊട്ട് കര്‍പ്പൂരം വരെയുള്ള സാധനങ്ങൾ സൂപര്‍ മാര്‍കറ്റുകള്‍ മുതല്‍ വഴിയോരകച്ചവടക്കാര്‍ വരെ നിരത്തിക്കഴിഞ്ഞു. ഭക്ഷണ വിഭവങ്ങള്‍ക്കുള്ള സാമഗ്രികൾ മുൻകൂട്ടി വാങ്ങിവെക്കാൻ നിരവധി പേരെത്തുന്നതിനാൽ പലയിടങ്ങളിലും വലിയ തിരക്കാണ് അനുഭവപ്പെടുന്നത്.
  
പ്രത്യേക ഓഫറുകളുമായാണ് വ്യാപാര സ്ഥാപനങ്ങൾ ഉപഭോക്താക്കളെ ആകർഷിക്കുന്നത്. വേനൽ കടുത്തതിനൊപ്പം റമദാൻ വ്രതം ആരംഭിക്കുക കൂടി ചെയ്യുന്നതോടെ പഴവർഗങ്ങളുടെ വിപണിയും ഉണർന്നു കഴിഞ്ഞു. വേനൽക്കാലം പഴ വിപണിക്ക് കൊയ്ത്തുകാലമാണ്. റമദാൻ കൂടിയായതോടെ വലിയ പ്രതീക്ഷയിലാണ് വ്യാപാരികൾ. ആഭ്യന്തര വിപണിക്കു പുറമേ വിദേശ പഴങ്ങളടക്കം വിപണിയിൽ നിരന്നുകഴിഞ്ഞു.