ബില്‍ കുടിശ്ശിക വരുത്തിയതിനെ തുടര്‍ന്ന് വൈദ്യുതിബന്ധം വിച്ഛേദിച്ച കെ എസ് ഇ ബി ജീവനക്കാരെ ബൈക്കില്‍ കാറിടിച്ച് വീഴ്ത്തിയതായി പരാതി; പോലീസ് കേസെടുത്തു

By Web Desk - MainNov 20, 2019, 14:38 IST

ചെര്‍ക്കള: (www.kasargodvartha.com 20.11.2019) ബില്‍ കുടിശ്ശിക വരുത്തിയതിനെ തുടര്‍ന്ന് വൈദ്യുതിബന്ധം വിച്ഛേദിച്ച കെ എസ് ഇ ബി ജീവനക്കാരെ ബൈക്കില്‍ കാറിടിച്ച് വീഴ്ത്തിയതായി പരാതി. പരിക്കേറ്റ കെ എസ് ഇ ബി ചെര്‍ക്കള സെക്ഷന്‍ ജീവനക്കാരായ എ രതീഷ് (28), മധുസൂദനന്‍ (45) എന്നിവരെ ചെങ്കള സഹകരണാശുപത്രിയില്‍ പ്രവേശിപ്പിച്ചു. ചൊവ്വാഴ്ച രാവിലെ 11.30 മണിയോടെ ചെങ്കള ഇന്ദിരാനഗറില്‍ വെച്ചാണ് സംഭവം.

സംഭവത്തില്‍ ഇന്ദിരാനഗറിലെ ഖാദര്‍ കരിപ്പൊടിയുടെ പേരില്‍ ഔദ്യോഗിക കൃത്യനിര്‍വഹണം തടസപ്പെടുത്തിയതിന് വിദ്യാനഗര്‍ പോലീസ് കേസെടുത്തിട്ടുണ്ട്. ഖാദറിന്റെ അടുത്ത ബന്ധുവിന്റെ വീട്ടിലേക്കുള്ള വൈദ്യുതിബന്ധമായിണ് ജീവനക്കാര്‍ വിച്ഛേദിച്ചത്. ഇതിന്റെ വിരോധത്തില്‍ ബൈക്കില്‍ കാറിടിച്ച് വീഴ്ത്തിയെന്നാണ് പരാതി.