ബലാത്സംഗ കേസില്‍ വേണ്ടത് ആന്ധ്ര മോഡല്‍ വിധി: കേസ് രജിസ്റ്റര്‍ ചെയ്ത് 21 ദിവസത്തിനകം വധശിക്ഷ നടപ്പാക്കുന്ന നിയമം കേരളത്തിലും കൊണ്ടുവരുമെന്ന് ആരോഗ്യ മന്ത്രി

By WebDesk OmegaDec 14, 2019, 13:19 IST

തിരുവനന്തപുരം: (www.kasargodvartha.com 14.12.2019) ബലാത്സംഗ കേസിലെ പ്രതികള്‍ക്ക് ആന്ധ്ര മോഡല്‍ വിധി നടപ്പാക്കണമെന്നും കേസ് രജിസ്റ്റര്‍ ചെയ്ത് 21 ദിവസത്തിനകം വധശിക്ഷ നടപ്പാക്കുന്ന നിയമം കേരളത്തിലും കൊണ്ടുവരുമെന്നും ആരോഗ്യ മന്ത്രി കെ.കെ ശൈലജ.

ആന്ധ്ര മോഡല്‍ നിയമം കേരളത്തില്‍ നടപ്പിലാക്കുന്ന കാര്യം നിയമ വിദഗ്ധരുമായി ചര്‍ച്ച ചെയ്യും. അന്തിമ തീരുമാനം സര്‍ക്കാര്‍ എടുക്കുമെന്നും ആരോഗ്യ മന്ത്രി അറിയിച്ചു. കേരളത്തില്‍ നിവലവില്‍ ബലാത്സംഗ കേസുകളില്‍ ശക്തമായ ശിക്ഷ നല്‍കുന്ന നിയമം ഉണ്ട്. എന്നാല്‍ ശിക്ഷ നടപ്പാക്കുന്നതിലെ കാലതാമസമുണ്ട്. ഇത് ഇത്തരം കേസുകള്‍ വര്‍ധിക്കാന്‍ കാരണമാകുന്നു. ഇത് തടയാനാണ് ഇത്തരം നിയമം കൊണ്ടു വരുന്നതെന്ന് മന്ത്രി പറഞ്ഞു.