Police | 'അയല്വാസിയെ യുവാവ് വെട്ടിക്കൊലപ്പെടുത്തി': പിന്നില് മുന്വൈരാഗ്യമെന്ന് പൊലീസ്
ആലപ്പുഴ: (www.kvartha.com) അയല്വാസിയായ വയോധികനെ വെട്ടിക്കൊലപ്പെടുത്തിയെന്ന കേസില് യുവാവ് അറസ്റ്റില്. അയല്വാസിയായ മോഹനനെ (70) കൊലപ്പെടുത്തിയ കേസിലാണ് മണ്ണഞ്ചേരി പഞ്ചായത് പരിധിയില്പെട്ട മനു (കൊച്ചുകുട്ടന് -33) പിടിയിലായത്.
പൊലീസ് പറയുന്നത്: ബുധനാഴ്ച പുലര്ചെ വീട്ടുമുറ്റത്ത് അതിക്രമിച്ച് കയറി പ്രതിയുടെ കയ്യിലുണ്ടായിരുന്ന കത്തി കൊണ്ട് മോഹനനെ വെട്ടിയും കുത്തിയും കൊലപ്പെടുത്തുകയായിരുന്നു. കൃത്യത്തിന് ശേഷം ഒളിവില് പോകാന് ശ്രമിച്ച പ്രതിയെ മണ്ണഞ്ചേരി പോലീസ് പിടികൂടുകയായിരുന്നു. മോഹനനോടുള്ള മുന് വൈരാഗ്യമാണ് കൊലപാതകത്തിന് പിന്നില്.
സംഘം ചേര്ന്ന് കലവൂര് ഐ ടി സി ഭാഗത്ത് വീട് കയറി അക്രമണം നടത്തിയ സംഭവത്തിലും ഐ ടി സി ഭാഗത്ത് വച്ച് നടന്ന നരഹത്യ ശ്രമത്തിലും മണ്ണഞ്ചേരി പൊലീസ് സ്റ്റേഷനില് പ്രതിക്കെതിരെ കേസ് നിലവിലുള്ളതാണ്. കൂടാതെ 2011 ല് പുളിങ്കുന്ന് പൊലീസ് സ്റ്റേഷന് പരിധിയില് വെച്ചുണ്ടായ വധശ്രമ കേസിലും ഇയാള് പ്രതിയാണ്.
