Fire Incident | പാപ്പനംകോട്ടെ ഇൻഷുറൻസ് ഓഫിസിൽ വൻ തീപിടിത്തം; രണ്ടുപേർ വെന്തുമരിച്ചു

തിരുവനന്തപുരം: (KasaragodVartha) പാപ്പനംകോട്ടെ ന്യൂ ഇന്ത്യ ഇൻഷുറൻസ് ഓഫിസിൽ ഉണ്ടായ വൻ തീപിടിത്തത്തിൽ രണ്ടുപേർ ദാരുണമായി മരിച്ചു. മരിച്ചവരിൽ ഒരാൾ ഓഫീസിലെ ജീവനക്കാരിയായ വൈഷ്ണ (34) ആണ്. മറ്റൊരാളുടെ തിരിച്ചറിയൽ നടന്നിട്ടില്ല. ഇദ്ദേഹം ഓഫീസിൽ ഇടപാട് നടത്താൻ എത്തിയ ആളാണെന്നാണ് സംശയിക്കുന്നത്. ഇരുവരുടെയും ശരീരം കത്തിക്കരിഞ്ഞ നിലയിലായിരുന്നു.

പാപ്പനംകോട്ടെ ഇൻഷുറൻസ് ഓഫിസിൽ വൻ തീപിടിത്തം; രണ്ടുപേർ വെന്തുമരിച്ചു pic.twitter.com/kSNgNgDIEY

— Kasargod Vartha (@KasargodVartha) September 3, 2024

ന്യൂ ഇന്ത്യ ഇൻഷുറൻസ് കമ്പനിയുടെ ഫ്രാഞ്ചൈസി ഏറ്റെടുത്ത് നടത്തിയിരുന്നത് വൈഷ്ണയായിരുന്നു. 

പാപ്പനംകോട് ജങ്ഷനിലുള്ള ഒരു കെട്ടിടത്തിന്റെ മുകളിലത്തെ നിലയിലാണ് ഈ ഇൻഷുറൻസ് ഓഫീസ് പ്രവർത്തിച്ചിരുന്നത്. ചൊവ്വാഴ്ച ഉച്ചയോടെയാണ് തീപിടിത്തം ഉണ്ടായത്. തീ ആളിപ്പടർന്നപ്പോൾ നാട്ടുകാർ ഓടിയെത്തി രക്ഷാപ്രവർത്തനം ആരംഭിച്ചു. എന്നാൽ, തീയുടെ വ്യാപ്തി വളരെ വേഗത്തിലായിരുന്നതിനാൽ ഫയർഫോഴ്സ് എത്തിയാണ് തീയണച്ചത്.

#PappanamcodeFire, #InsuranceOfficeFire, #KeralaFire, #NewIndiaInsurance, #FireCasualties, #FireDepartment