സി എച് മുഹമ്മദ് കോയയുടെ 38-ാം ചരമവാർഷിക ദിനം വ്യത്യസ്ത പരിപാടികളുമായി നാടെങ്ങും ആചരിച്ചു

38 വായനശാലകളിലേക്ക് സി എചിന്റെ ജീവചരിത്ര ഗ്രന്ഥം സമ്മാനിച്ച് യൂത് ലീഗിൻ്റെ സി എച് സ്മരണ

കാസർകോട്: 38 വായനശാലകൾക്ക് സി എചിന്റെ ജീവചരിത്ര ഗ്രന്ഥം സമ്മാനിച്ച് യൂത് ലീഗ് കാസർകോട് മണ്ഡലം കമിറ്റി സി എച് ദിനം ആചരിച്ചു. ചരിത്രകാരൻ എം സി വടകരയുടെ 'സി എച് മുഹമ്മദ് കോയ രാഷ്ട്രിയ ജീവചരിത്രം' കാസർകോട് നഗരസഭ ലൈബ്രറിക്ക് വേണ്ടി മണ്ഡലം പ്രസിഡണ്ട് എ എം കടവത്ത് നഗരസഭാ സ്റ്റാൻഡിങ് കമിറ്റി ചെയർമാൻ അബ്ബാസ് ബീഗത്തിന് കൈമാറി ഉദ്ഘാടനം ചെയ്തു.

സിദ്ദീഖ് സന്തോഷ് നഗർ അധ്യക്ഷത വഹിച്ചു. സഹീർ ആസിഫ്, എം എ നജീബ്, ഹാരിസ് തായൽ, റഫീഖ് കേളോട്ട്, ഇഖ്ബാൽ ഫുഡ് മാജിക്, പി വി എസ് ശഫീഖ്, ജലീൽ തുരുത്തി, റഫീഖ് വിദ്യാനഗർ, ശാനിഫ് നെല്ലിക്കട്ട സംസാരിച്ചു. ഹാരിസ് ബെദിര സ്വാഗതവും നൗഫൽ തായൽ നന്ദിയും പറഞ്ഞു.


മുസ്ലിംലീഗ് സൗത് ചിത്താരി ശാഖ സി എച് അനുസ്മരണം സംഘടിപ്പിച്ചു 

കാഞ്ഞങ്ങാട്: സി എച് മുഹമ്മദ് കോയയുടെ രാഷ്ട്രീയ ജീവിതം എന്നും ഓര്‍മിക്കപ്പെടുന്നതെന്ന് കാഞ്ഞങ്ങാട് മണ്ഡലം മുസ്ലിം യൂത് ലീഗ് പ്രസിഡന്റ് സന മാണിക്കോത്ത്. സൗത് ചിത്താരി ശാഖ മുസ്ലിംലീഗ് സംഘടിപ്പിച്ച സി എച് അനുസ്മരണ പരിപാടി ഉദ്ഘാടനം ചെയ്യുകയായിരുന്നു അദ്ദേഹം.

ബശീര്‍ ചിത്താരി അധ്യക്ഷത വഹിച്ചു. ഹാശിം അരിയില്‍ പ്രഭാഷണം നടത്തി. ജംശീദ് കുന്നുമ്മല്‍ സ്വാഗതം പറഞ്ഞു. ബശീര്‍ മാട്ടുമ്മല്‍, ഫസൽ റഹ്‌മാൻ, അഹ്‌മദ്‌ കപ്പണക്കാല്‍, ജബ്ബാര്‍ ചിത്താരി സംസാരിച്ചു.

സി എച് ദിനത്തിൽ മുസ്ലിം ലീഗ് കുമ്പള പഞ്ചായത്ത് കമിറ്റി സി എച് സിയിൽ പോഷകാഹാര വിതരണം നടത്തി

കുമ്പള: സി എച് മുഹമ്മദ് കോയയുടെ ചരമ ദിനത്തോട് അനുബന്ധിച്ച് മുസ്ലിം ലീഗ് കുമ്പള പഞ്ചായത്ത് കമിറ്റിയുടെ നേതൃത്വത്തിൽ കുമ്പള സി എച് സിയിൽ പോഷകാഹാര വിതരണം നടത്തി. ജില്ലാ സെക്രടറി വി പി എ ഖാദർ ഹാജി ഉദ്‌ഘാടനം ചെയ്തു. ഇബ്രാഹിം ഹാജി ബത്തേരി അധ്യക്ഷത വഹിച്ചു.

സയ്യിദ് ഹാദി തങ്ങൾ സ്വാഗതം പറഞ്ഞു. അശ്‌റഫ് കർള, എ കെ ആരിഫ്, ടി എം ശുഹൈബ്, കെ വി യൂസുഫ്, ബി എ റഹ്‌മാൻ ആരിക്കാടി, ഗഫൂർ എരിയാൽ, ഡോ. ദിവാകര റൈ, ഡോ. സുബ്ല ഗട്ടി, ബി അശ്‌റഫ്, കെ എം അബ്ബാസ്, പി കെ അബ്ദുർ റഹ്‌മാൻ, മമ്മുട്ടി പെർവാഡ്, അബ്ദുർ റഹ്‌മാൻ പാച്ചാണി, എം ജി എ റഹ്‌മാൻ സംബന്ധിച്ചു.

< !- START disable copy paste -->