കടയില്‍ ജീവനക്കാരിയായ യുവതിയെ കാണാനില്ലെന്ന് പരാതി; ജീവനക്കാരനെയും കാണാതായി

By Web Desk SreApr 19, 2017, 10:25 IST

കാസര്‍കോട്: (www.kasargodvartha.com 19.04.2017) കടയില്‍ ജീവനക്കാരിയായ യുവതിയെ കാണാനില്ലെന്ന് പരാതി. ഉളിയത്തടുക്ക സ്വദേശിനിയായ 21കാരിയെയാണ് കാണാതായത്. മാര്‍ച്ച് 13ന് യുവതി പതിവു പോലെ കടയിലേക്ക് ജോലിക്ക് പോയതായിരുന്നു. പിന്നീട് യുവതി തിരിച്ചെത്തിയില്ല. ഇതേ തുടര്‍ന്ന് വീട്ടുകാര്‍ പലയിടങ്ങളിലും അന്വേഷണം നടത്തിയെങ്കിലും വിവരമൊന്നും ലഭിച്ചില്ല.

ഇതിനിടെ യുവതിക്കൊപ്പം കടയില്‍ ജോലി ചെയ്തിരുന്ന യുവാവിനെയും കാണാനില്ലെന്ന് വ്യക്തമായി. ഇരുവരും ഒരുമിച്ച് നാട് വിട്ടതാണെന്ന് സംശയിക്കുന്നു. യുവതിയുടെ മാതാവിന്റെ പരാതിയില്‍ പോലീസ് കേസെടുത്ത് അന്വേഷണം തുടങ്ങി.