മാപ്പിളപ്പാട്ടുകള് സാമൂഹിക ജീവിതത്തെ ആഴത്തില് സ്പര്ശിച്ചു: ഫൈസല് എളേറ്റില്
Oct 3, 2012, 23:06 IST
ഇന്ന് മാപ്പിളപ്പാട്ടുകളുടെ സൗന്ദര്യശാസ്ത്രത്തെക്കുറിച്ചും ഭാഷയുടെ വൈവിധ്യത്തെക്കുറിച്ചും അതില് തുടിക്കുന്ന ജീവിതത്തെക്കുറിച്ചും സംസ്കാരത്തെക്കറിച്ചും അക്കാദമികതലത്തില് തന്നെ ധാരാളം ഗവേഷണങ്ങള് നടക്കുന്നുവെങ്കിലും അതിന്റെ ഇശല് തനിമയെക്കുറിച്ചു വേണ്ടത്ര പഠനങ്ങള് നടക്കുന്നില്ല. ടി.ഉബൈദ് തുടങ്ങി വെച്ച് പൂര്ത്തിയാക്കാതെ പോയ വൃത്ത ശാസ്ത്രപഠനം കൂടിയുണ്ടായാലേ അത് പൂര്ണമാവുകയുള്ളു. അനന്തമായ വിഷയങ്ങളില് പടര്ന്നു കിടന്നിരുന്ന മാപ്പിളപ്പാട്ട്ശാഖ വര്ത്തമാനകാലത്ത് ഒന്നോ രണ്ടോ ചതുരങ്ങളില് ഒതുങ്ങിപ്പോയി എന്നതാണ് അത് നേരിടുന്ന മറ്റൊരു പ്രതിസന്ധി എന്ന് ഫൈസല് പറഞ്ഞു.
സാഹിത്യവേദി പ്രസിഡണ്ട് റഹ്മാന് തായലങ്ങാടി അദ്ധ്യക്ഷനായിരുന്നു. നഗരസഭാ ചെയര്മാന് ടി.ഇ.അബ്ദുല്ല, വി.വി. പ്രഭാകരന് എന്നിവര് പ്രസംഗിച്ചു. സെക്രട്ടറി ഷാഫി എ. നെല്ലിക്കുന്ന് സ്വാഗതവും ട്രഷറര് മുജീബ് അഹമ്മദ് നന്ദിയും പറഞ്ഞു. പ്രൊഫ. ഇബ്രാഹിം ബേവിഞ്ച, അഡ്വ.ബി.എഫ്.അബ്ദുര് റഹ്മാന്, എ.എസ്. മുഹമ്മദ് കുഞ്ഞി, അഡ്വ.പി.വി. ജയരാജന്, ചേംബര് ഓഫ് കൊമേഴ്സ് പ്രസിഡണ്ട് കെ.എസ്.അന്വര് സാദത്ത്, എസ്.എ.എം. ബഷീര്, മമ്മു ചാല, മൗവ്വല് മുഹമ്മദ് മാമു, അലി കുമ്പള എന്നിവര് സംബന്ധിച്ചു. ഡോ.ഷംസുദ്ദീന് ഗുരുക്കള്, മുഹമ്മദ് കോളിയടുക്കം, അഷ്ഫാഖ് എന്നിവര് മാപ്പിളപ്പാട്ടുകള് ആലപിച്ചു.
കവിയരങ്ങ് കവി പി.എസ് ഹമീദ് ഉദ്ഘാടനം ചെയ്തു. സി.എല്. ഹമീദ് അദ്ധ്യക്ഷത വഹിച്ചു. രവീന്ദ്രന് പാടി, വിനോദ്കുമാര് പെരുമ്പള, രാധാകൃഷ്ണന് ഉളിയത്തടുക്ക, കെ.ജി. റസാഖ്, രമ്യ കെ.പുളിന്തോട്ടി, നാജില മറിയം, എ.ബെണ്ടിച്ചാല്, താജുദ്ദീന് ബാങ്കോട്, കെ.എച്ച്. മുഹമ്മദ്, ഖാദര് വില്റോഡി, പുഷ്പാകരന് ബെണ്ടിച്ചാല്, അഹ്മദ് വിദ്യാനഗര്, ഇബ്രാഹിം അങ്കോലയുടെ കവിത എരിയാല് ഷെരീഫ് എന്നിവര് കവിതകളവതരിപ്പിച്ചു. ഹമീദ് കാവില് സ്വാഗതവും അഷറഫലി ചേരങ്കൈ നന്ദിയും പറഞ്ഞു.
Keywords: T. Ubaid Day celebration, Kasaragod, Faisal Elatil, Mapilapattu, Rahman Thayalangadi.
