തെയ്യംകലാകാരന്റെ കുടില്‍ കത്തിനശിച്ചു; കുടുംബം കണ്ണീര്‍ക്കയത്തില്‍

By Web Desk - MainFeb 1, 2019, 16:03 IST

ബദിയടുക്ക: (www.kasargodvartha.com 01.02.2019) തെയ്യംകലാകാരന്റെ കുടില്‍ കത്തിനശിച്ചു. ഏത്തടുക്ക പുത്രക്കളയിലെ ഭട്യന്റെ ഓലമേഞ്ഞ വീടാണ് കത്തിനശിച്ചത്. വ്യാഴാഴ്ച രാത്രി 7.30 മണിയോടെയാണ് സംഭവം. മണ്ണെണ്ണ വിളക്കില്‍ നിന്നാണ് തീ പടര്‍ന്നതെന്നാണ് സംശയിക്കുന്നത്.

12 വര്‍ഷമായി ഭട്യനും കുടുംബവും പുറമ്പോക്ക് ഭൂമിയില്‍ കുടില്‍ വെച്ച് താമസിച്ചുവരികയായിരുന്നു. വീട്ടുപകരണങ്ങളും വസ്ത്രങ്ങളുമടക്കം കത്തിനശിച്ചതോടെ ഇവരുടെ കുടുംബം ദുരിതത്തിലായിരിക്കുകയാണ്.