അനാദിക്കട കത്തിനശിച്ചു

By Web Desk - MainMar 20, 2019, 10:02 IST

ഉദുമ: (www.kasargodvartha.com 20.03.2019) അനാദിക്കട കത്തിനശിച്ചു. ബേക്കല്‍ ജംഗ്ഷനിലെ ബി എം അബ്ദുല്ലയുടെ അനാദിക്കടയാണ് കത്തിനശിച്ചത്. ചൊവ്വാഴ്ച പുലര്‍ച്ചെ മൂന്നു മണിയോടെയാണ് സംഭവം. കടയില്‍നിന്ന് തീ പടരുന്നത് ശ്രദ്ധയില്‍പെട്ട സമീപത്തെ സഹകരണ ബാങ്ക് സെക്യൂരിറ്റി ജീവനക്കാരന്‍ കടയുടമയെയും ഫയര്‍ഫോഴ്‌സിലും വിവരമറിയിക്കുകയായിരുന്നു.

കാഞ്ഞങ്ങാട്ട് നിന്ന് ഫയര്‍ഫോഴ്‌സെത്തി തീയണച്ചു. അഞ്ചുലക്ഷം രൂപയുടെ നഷ്ടം കണക്കാക്കുന്നു. എം എല്‍ എ കെ കുഞ്ഞിരാമന്‍, വ്യാപാരി വ്യവസായി സമിതി ജില്ലാ സെക്രട്ടറി രാഘവന്‍ വെളുത്തോളി എന്നിവര്‍ സ്ഥലം സന്ദര്‍ശിച്ചു.