കീഴൂരില് തോണിമറിഞ്ഞ് ഒരാളെ കാണാതായി
Aug 17, 2012, 18:23 IST
കൂടെയുണ്ടായിരുന്ന രാജന് (33) എന്നാളെ തിരച്ചിലിനിടയില് കോസ്റ്റല് പോലീസ് രക്ഷപ്പെടുത്തി. കടലിലൂടെ നീന്തുന്നതിനിടയിലാണ് രാജുവിനെ രക്ഷപ്പെടുത്തിയത്. രക്ഷപ്പെടുത്തുന്നതിനിടിയില് കോസ്റ്റല് പോലീസിന്റെ ബോട്ടില് വലകുടുങ്ങിയതിനെ തുടര്ന്ന് വല അറുത്തുമാറ്റിയാണ് രാജുവിനെ രക്ഷപ്പെടുത്തിയത്. ഗഫൂറും തനിക്കൊപ്പം നീന്തിയിരുന്നതായി രാജന് പറയുന്നു.
ശക്തമായ കാറ്റും കോളുമുള്ളതിനാല് ഗഫൂറിന് കരയ്ക്കെത്താന് ഇതുവരെ കഴിഞ്ഞിട്ടില്ല. ഇയാള്ക്കുവേണ്ടി
കോസ്റ്റല് പോലീസ് തെരച്ചില് നടത്തിവരികയാണ്. വിവരമറിഞ്ഞ് നാട്ടുകാര് സംഭവസ്ഥലത്ത് തടിച്ചുകൂടിയിട്ടുണ്ട്. ബേക്കല് പോലീസും സ്ഥലത്തെത്തി. ചിങ്ങം 27 കഴിയാതെ ഈ ഭാഗത്തുള്ളവര് കടലില് പോകാറില്ല. ഇത് തെറ്റിച്ചാണ് ഇവര് കടലില് പോയതെന്നും നാട്ടുകാര് പറയുന്നു. കടലിലിറങ്ങാന് പാടില്ലെന്ന വിശ്വാസമുള്ള നാട്ടുകാര് ഇതുകൊണ്ട് തന്നെ തിരച്ചില്നടത്താനും തയ്യാറായില്ല.
ചെമ്പരിക്കയിലെ ആമു ഹാജി എന്നയാളുടെ ഉടമസ്ഥതയിലുള്ളതാണ് അപകടത്തില്പെട്ട തോണി.
Keywords: Kasaragod, Kizhur, Fishermen, Boat accident, Police, Kerala
