സേവനങ്ങള്‍ ഒരു കുടക്കീഴില്‍; യൂത്ത് ലീഗിന്റെ ഹെല്‍പ് ഡസ്‌ക്ക് ശ്രദ്ധേയമായി

മൊഗ്രാല്‍ പുത്തൂര്‍: കുന്നില്‍ ശാഖ മുസ്ലിം യൂത്ത് ലീഗ് എം.എസ്.എഫ് കമ്മിറ്റി സംഘടിപ്പിച്ച രണ്ടാംഘട്ട പാചക വാതക ആധാര്‍ ഹെല്‍പ് ഡസ്‌ക്ക് ജനങ്ങള്‍ക്ക് സഹായകമായി. 700-ഓളം പേരാണ് വിവിധ ആവശ്യങ്ങള്‍ക്കായി എത്തിയത്.

പാചകവാതക ബുക്കിലെ പേര് മാറ്റല്‍ സംബന്ധമായ കാര്യങ്ങള്‍ക്കുള്ള രേഖകള്‍ തയ്യാറാക്കുന്നതിനും ആധാര്‍ രജിസ്റ്റര്‍ ചെയ്തിട്ടും കിട്ടാത്തവരെ സഹായിക്കുന്നതിനുമാണ് ഹെല്‍പ് ഡസ്‌ക്ക് ചൗക്കി അക്ഷയ സെന്ററിന്റെ സഹായത്തോടെ സംഘടിപ്പിച്ചത്. ക്യാമ്പ് രാത്രി വരെ നീണ്ടു.

ഹെല്‍പ് ഡെസ്‌ക്ക് എന്‍.എ നെല്ലിക്കുന്ന് എം.എല്‍.എയും ആധാര്‍ ക്യാമ്പ് പഞ്ചായത്ത് അംഗം മിസ്‌രിയ ഖാദറും ഉദ്ഘാടനം ചെയ്തു. സിദ്ദീഖ് ബേക്കല്‍ അധ്യക്ഷത വഹിച്ചു. എ.എ.ജലീല്‍, മാഹിന്‍ കുന്നില്‍, കെ.ബി.അഷ്‌റഫ്, അഹമ്മദ് കുന്നില്‍, മുജീബ് കമ്പാര്‍, സലീം അക്കര, ഖലീല്‍ സിലോണ്‍, പി.എം. മുനീര്‍ ഹാജി കമ്പാര്‍, കബീര്‍ കമ്പാര്‍, നൗഷാദ് ഐഡിയല്‍, എം.എ. നജീബ്, സഫ്‌വാന്‍, അംസു മേനത്ത്, സുരേഷ്, കെ.ബി. ഇബ്രാഹിം ഹാജി, ഹനീഫ് മൂപ്പ, അബ്ദുര്‍ റഹ്മാന്‍ മധൂര്‍, പുഷ്പ, അഫ്‌സല്‍, സിദ്ദീഖ് ഇ.കെ, ബി.എ. സിദ്ദീഖ്, നൗഷാദ്, സദഫ, തഹ്ഷി നേതൃത്വം നല്‍കി. സമാപനം മണ്ഡലം യൂത്ത് ലീഗ് ജന.സെക്രട്ടറി എ.എ. ജലീല്‍ ഉദ്ഘാടനം ചെയ്തു.

Keywords : Youth League, Kasaragod, Mogral Puthur, Kerala, Help Desk, LPG, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.