ഭാര്യയ്‌ക്കെതിരെ പരാതിനല്‍കാനെത്തിയയാളെ തട്ടിക്കൊണ്ടുപോയി വെട്ടി വീഴ്ത്തി
Aug 14, 2012, 13:18 IST
കോഴിക്കോട് മലാപറമ്പ് ബൈപ്പാസിലെ വാടക വീട്ടിലാണ് ഭാര്യയോടൊപ്പം താമസിച്ചിരുന്നു. ഒരു മാസം മുമ്പ് ബാഗ്ലൂരില്‍ ടൈല്‍സ് പര്‍ച്ചേസിംഗിന് പോയ സമയത്ത് ഭാര്യ വീട്ടുസാധനങ്ങളും മുത്തൂറ്റ് ബാങ്കില്‍ പണയം വെച്ചിരുന്ന ഒമ്പതര പവന്‍ സ്വര്‍ണവും വീട്ടില്‍ വെച്ചിരുന്ന 80,000 രൂപയും വീട്ടുടമസ്ഥന് അഡ്വന്‍സായി നല്‍കിയ 50,000 രൂപയുമായി വാടക വീട് പൂട്ടി സ്ഥലം വിട്ടു എന്നാണ് കാസര്‍കോട് ജനറല്‍ ആശുപത്രിയില്‍ ചികിത്സയില്‍ കഴിയുന്ന നിസാര്‍ പറയുന്നത്. നേരത്തെ കാറ്ററിംഗ് സര്‍വ്വീസ് നടത്തിവരികയായിരുന്നു നിസാര്‍. കോഴിക്കോട്ട് ഹോം നഴ്‌സായി ജോലി ചെയ്ത് വരികയായിരുന്നു ഉമ്മുഅലീമ.
രാമനാട്ടുകരയിലെ പാര്‍ക്ക് റസിഡന്‍സിയില്‍ ഒരു പാര്‍ട്ടിക്ക് കാറ്ററിംഗ് സാധനങ്ങള്‍ കൊണ്ട് വന്നപ്പോള്‍ അതിന് തൊട്ടടുത്ത് താമസിച്ചിരുന്ന ഉമ്മുഅലീമയുടെ വീട്ടിലാണ് കാറ്ററിംഗ് സാധനങ്ങള്‍ വെച്ചിരുന്നത്. ഇവിടെ നിന്നാണ് ഇവര്‍ ആദ്യമായി കണ്ടതും പ്രണയിച്ച് വിവാഹം കഴിച്ചതും. രജിസ്റ്റര്‍ വിവാഹത്തില്‍ തന്റെ വീട്ടുകാര്‍ പങ്കെടുത്തിരുന്നിന്നില്ല. ഭാര്യയുടെ വീട്ടുകാര്‍ എത്തിയിരുന്നു.
തന്നോട് പറയാതെ വീടുപൂട്ടി സാധനങ്ങളും മറ്റുമായി പോയ ഭാര്യയ്‌ക്കെതിരെ വെസ്റ്റ്ഹില്‍ പോലീസില്‍ പരാതി നല്‍കിയതായി നിസാര്‍ വെളിപ്പെടുത്തി. ഭാര്യയുടെ ഫോണ്‍ സ്വിച്ച് ഓഫിലായിരുന്നു. തന്നെ ഫോണിലൂടെ ബന്ധപ്പെടുകയോ ചെയ്തില്ല. ഭാര്യയുടെ ഈ നടപടിക്കെതിരെ കാസര്‍കോട് കുടുംബകോടതിയിലും കാസര്‍കോട് കളക്ടര്‍ക്കും പരാതി നല്‍കാനെത്തിയ തന്നെ രണ്ടാഴ്ച മുമ്പ് ഭാര്യയുടെ ആളുകള്‍ കാസര്‍കോട് റെയില്‍വേ സ്‌റ്റേഷനില്‍ നിന്നും ഭീഷണിപ്പെടുത്തി തിരിച്ചയച്ചിരുന്നതായി നിസാര്‍ പറയുന്നു.
വീണ്ടും തിങ്കളാഴ്ച രാവിലെ 11.30ന് ട്രെയ്‌നില്‍ എത്തിയപ്പോഴാണ് ഓട്ടോയില്‍ ബലം പ്രയോഗിച്ച് കയറ്റി വിദ്യാനഗറിലെ ഒരു കുന്നിന്‍ ചെരുവില്‍ കൊണ്ടുപോയി സന്ധ്യ വരെ മര്‍ദ്ദിക്കുകയും പീഡിപ്പിക്കുകയും ചെയ്തത്. പിന്നീട് ഓട്ടോയില്‍ കയറ്റി ഇടവഴിയിലൂടെ കൊണ്ട് പോകുമ്പോള്‍ ചാടി രക്ഷപ്പെടാന്‍ ശ്രമിക്കുമ്പോഴാണ് തന്നെ തലയ്ക്കും മുഖത്തും കവിളിനും വെട്ടിപരിക്കേല്‍പിച്ചതെന്ന് നിസാര്‍ പറഞ്ഞു. സംഭവത്തെക്കുറിച്ച് പോലീസ് അന്വേഷണം ആരംഭിച്ചിട്ടുണ്ട്. നിസാറിനെ കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു.
Keywords: Wife, Attack, Youth, Kidnap, Kasaragod, Railway station, Kozhikode, Chemnad, Nisar
Tags
Share this story
