നായ കുറുകെചാടിയതിനെ തുടര്‍ന്ന് നിയന്ത്രണംവിട്ട ബൈക്ക് മറിഞ്ഞ് യുവാവിന് ഗുരുതരം

By Web Desk - MainJul 22, 2018, 11:59 IST

ഉപ്പള: (www.kasargodvartha.com 22.07.2018) നായ കുറുകെചാടിയതിനെ തുടര്‍ന്ന് നിയന്ത്രണംവിട്ട ബൈക്ക് മറിഞ്ഞ് യുവാവിന് ഗുരുതരമായി പരിക്കേറ്റു. ചേവാറിലെ ശരത്തിനെ (28)യാണ് മംഗളൂരുവിലെ ആശുപത്രിയില്‍ പ്രവേശിപ്പിച്ചത്. ഞായറാഴ്ച രാവിലെ കുബണൂരില്‍ വെച്ചാണ് സംഭവം. നായ കുറുകെ ചാടിയതിനെ തുടര്‍ന്ന് പൊടുന്നനെ ബ്രേക്കിട്ടപ്പോള്‍ ശരത്ത് ഓടിച്ചിരുന്ന ബൈക്ക് നിയന്ത്രണംവിട്ട് മറിയുകയായിരുന്നു.

പരിക്കേറ്റ ശരത്തിനെ ആദ്യം ബന്തിയോട് ഡിഎം ആശുപത്രിയിലെത്തിച്ചെങ്കിലും പരിക്ക് ഗുരുതരമായതിനാല്‍ മംഗളൂരുവിലേക്ക് മാറ്റുകയായിരുന്നു.