ക്രിക്കറ്റ് മത്സരത്തിനിടെ റണ്ണിനായി ഓടുമ്പോള്‍ കൂട്ടിയിടിച്ച് യുവാവിന് പരിക്ക്

By Web Desk SreMay 16, 2018, 11:51 IST

കുമ്പള: (www.kasargodvartha.com 16.05.2018) ക്രിക്കറ്റ് മത്സരത്തിനിടയില്‍ റണ്ണിനായി ഓടുമ്പോള്‍ കൂട്ടിയിടിച്ച് യുവാവിന് പരിക്കേറ്റു. സിപിഎം കുമ്പള ടൗണ്‍ ബ്രാഞ്ച് സെക്രട്ടറി ഇര്‍ഷാദ് ചാക്കു (34)വിനാണ് പരിക്കേറ്റത്.

കുമ്പള കുണ്ടങ്കരടുക്ക ക്രിക്കറ്റ് ഗ്രൗണ്ടില്‍ കളിച്ചു കൊണ്ടിരിക്കുമ്പോഴാണ് അപകടം. റണ്ണിനായി ഓടുന്നതിനിടയില്‍ കളിക്കാര്‍ തമ്മില്‍ കൂട്ടിയിടിക്കുകയായിരുന്നു.

കൂട്ടിയിടിയില്‍ യുവാവിന്റെ ചെവിക്ക് ഗുരുതരമായി പരിക്കേല്‍ക്കുകയായിരുന്നു. ഇര്‍ഷാദിനെ സഹകരണ ആശുപത്രിയില്‍ പ്രവേശിപ്പിച്ചു.