സ്‌കൂട്ടര്‍ വൈദ്യുതി തൂണിലിടിച്ച് യുവാവിന് പരിക്ക്

By Web Desk SreApr 17, 2018, 10:54 IST

കുമ്പള: (www.kasargodvartha.com 17.04.2018) നിയന്ത്രണം വിട്ട സ്‌കൂട്ടര്‍ വൈദ്യുതി തൂണില്‍ ഇടിച്ച് യുവാവിന് ഗുരുതര പരിക്ക്. പേരാല്‍ മൈമൂന്‍ നഗറിലെ ഹംസ (18)യ്ക്കാണ് പരിക്കേറ്റത്. തിങ്കളാഴ്ച ഉച്ചയ്ക്ക് മൂന്നു മണിയോടെയാണ് അപകടമുണ്ടായത്. ഇടിയുടെ ആഘാതത്തില്‍ പോസ്റ്റ് പൂര്‍ണ്ണമായും തകര്‍ന്നു.

ഗുരുതമായ പരിക്ക് പറ്റിയ ഹംസയെ മംഗളൂരുവിലെ ആശുപത്രിയില്‍ പ്രവേശിപ്പിച്ചു. പ്രസ്തുത പാതയില്‍ അപകടം വര്‍ദ്ധിച്ചു വരികയാണ്.